• ശനി. ജുലാ 24th, 2021

Cat-NewGen

Language of Jesus and His Church is Love

വാർത്തകൾ

  • Home
  • ഓട്ടിസമുള്ള മകന്‍ അള്‍ത്താര ബാലനാകുന്നു ; ആഹ്ലാദം പങ്കുവെച്ച് പ്രമുഖ ഫിലിപ്പീന്‍സ് നടി

ഓട്ടിസമുള്ള മകന്‍ അള്‍ത്താര ബാലനാകുന്നു ; ആഹ്ലാദം പങ്കുവെച്ച് പ്രമുഖ ഫിലിപ്പീന്‍സ് നടി

ഓട്ടിസത്തിന്റെ വെല്ലുവിളികള്‍ക്കിടെ അള്‍ത്താര ബാലനാകാന്‍ തയാറെടുക്കുന്ന മകന്റെ സന്തോഷവാര്‍ത്തപങ്കുവെച്ച പ്രമുഖ ഫിലിപ്പീന്‍സ് നടി കാന്‍ഡി പാംഗിലിനാന്റെ പോസ്റ്റ് സമൂഹ മാധ്യമങ്ങളില്‍ ചര്‍ച്ചയാകുന്നു. നാഡീവികാസവുമായി ബന്ധപ്പെട്ട് കുട്ടികളിലുണ്ടാകുന്ന വൈകല്യരോഗമായ ‘അറ്റൻഷൻ ഡെഫിസിറ്റ് ഹൈപ്പർആക്ടിവിറ്റി ഡിസോർഡർ’ നടിയുടെ മകന്‍ ക്വെന്റിനെ അലട്ടിയിരിന്നു. ഇക്കഴിഞ്ഞ ജൂലൈ പതിനൊന്നാംതീയതിയാണ് കാന്‍ഡി, പന്ത്രണ്ടുകാരനായ മകന്‍ ക്വെന്റിന്‍ വിശുദ്ധ ബലിയില്‍ പുരോഹിതനോടൊപ്പംശുശ്രൂഷിയായി പങ്കെടുക്കുന്ന ഫോട്ടോ ഇന്‍സ്റ്റാഗ്രാമില്‍ പങ്കുവെച്ചത്.  ഇതോടെ നൂറുകണക്കിനാളുകള്‍ അഭിനന്ദനവും പ്രാര്‍ത്ഥനയുമായി പോസ്റ്റിലെത്തിയത്. ‘ക്വെന്റിന്റെ അള്‍ത്താരബാലനായുള്ള പരിശീലനത്തിന്റെ ആദ്യദിവസം’ എന്ന തലക്കെട്ടോടെയായിരിന്നു കാന്‍ഡി പാംഗിലിനാന്റെപോസ്റ്റ്. ഏതാനും ദിവസങ്ങൾക്ക് മുമ്പ്, ക്വെന്റിൻ പള്ളിയിൽ അള്‍ത്താര ബാലന്മാരുടെ അടുത്ത് ഇരിക്കുന്നതിന്റെഫോട്ടോകൾ കാൻഡി പങ്കുവെച്ചിരിന്നു. ഉടൻ തന്നെ അവന്‍ ഗ്രൂപ്പിൽ ചേരുമെന്ന് പ്രതീക്ഷിക്കുന്നതായും കാന്‍ഡികുറിച്ചു. രോഗബാധിതനായ മകനോടൊപ്പം നിരവധി വ്ളോഗുകള്‍ കാന്‍ഡി മുന്പുപങ്കുവെയ്ക്കുന്നുണ്ടായിരിന്നു. ചില വ്ലോഗുകളിൽ, ക്വെന്റിൻ എല്ലായ്പ്പോഴും ഒരു അള്‍ത്താര ബാലനാകുവാന്‍ആഗ്രഹിക്കുന്നുവെന്നു അവര്‍ പറയുന്നുണ്ടായിരിന്നു. ഇതാണ് ഒടുവില്‍ യാഥാര്‍ത്ഥ്യമായിരിക്കുന്നത്.ക്വെന്റിനെ അള്‍ത്താര ബാലനായി പരിശീലിപ്പിക്കാനുള്ള സന്നദ്ധത പ്രകടിപ്പിച്ച് ധാരാളം ആളുകൾസന്ദേശമയച്ചതായി നന്ദി നിറഞ്ഞ ഹൃദയത്തോടെ കാൻഡി അടുത്തിടെ പങ്കുവെച്ചിരിന്നു. തനിക്ക് ലഭിച്ചപ്രാര്‍ത്ഥനയ്ക്കും പിന്തുണയ്ക്കും നടി നന്ദി അറിയിച്ചു. അടിയുറച്ച ക്രൈസ്തവ വിശ്വാസിയായ കാന്‍ഡി തന്റെക്രിസ്തു വിശ്വാസം പരസ്യമായി പ്രഘോഷിച്ചിട്ടുള്ള വ്യക്തി കൂടിയാണ്.

ഫാ. സ്റ്റാൻ സാമി അനുസ്മരണവും പ്രതിഷേധ സമ്മേളനവും

ഇന്ത്യയിലെ ദളിതരുടെയും ആദിവാസികളുടെയും ഉന്നമനത്തിനായി സ്വന്തം ജീവിതം തന്നെ ഉഴിഞ്ഞു വെച്ച ഫാ. സ്റ്റാൻ സാമി എന്ന വയോധികനെ അന്യായമായി തടങ്കലിൽ വെച്ച് പീഡിപ്പിച്ചു കൊലപ്പെടുത്തിയ ഭരണകൂട ഭീകരതയ്‌ക്കെതിരെ കോട്ടപ്പുറം രൂപത അതിശക്തമായ പ്രതിഷേധം രേഖപ്പെടുത്തി. അധസ്ഥിതരും പാർശ്വ വൽക്കരിക്കപ്പെട്ടവരുമായ ഭാരത…

ഭീകരതയ്ക്കുള്ള വളക്കൂറുള്ള മണ്ണായി കേരളം മാറിയിരിക്കുന്നു :-കെ‌സി‌ബി‌സി ഐക്യജാഗ്രത കമ്മീഷൻ

ആഗോളതലത്തില്‍ വേരുകളുള്ളതും ശക്തമായ ഒരു സമാന്തര സാമ്പത്തിക-രാഷ്ട്രീയ ശക്തിയായി വളര്‍ന്നുകൊണ്ടിരിക്കുന്നതുമായ ഭീകരതയുടെ ഒരു പുതുതരംഗം ലോകമാകെ വ്യാപിച്ചുകൊണ്ടിരിക്കുകയാണ്. ഈ തരംഗത്തിൽ പെട്ട് കേരളം വിധ്വംസക പ്രവർത്തനങ്ങൾക്കായി യുവതലമുറയുടെ പുതു രക്തത്തെ കൂട്ടുപിടിക്കുന്നു.തീവ്ര ആശയങ്ങളിലേക്ക് ചായ്‌വുള്ളപുതു തലമുറയ്ക്ക് ആകര്‍ഷകമായ ഒരു ജീവിത രീതിയായി…

വിശ്വാസികളുടെ നിരന്തരമായ അഭ്യര്‍ത്ഥനയേ മാനിച്ച് ന്യൂസിലന്‍റ് മെത്രാന്‍ സമിതി രാഷ്ട്രത്തെ ദൈവമാതാവിന് പുനര്‍സമര്‍പ്പണം നടത്തുവാനൊരുങ്ങുന്നു

തെക്ക്-പടിഞ്ഞാറന്‍ പസഫിക് സമുദ്രത്തിലെ ദ്വീപ്‌ രാഷ്ട്രമായ ന്യൂസിലന്‍ഡ് നൂറ്റാണ്ടുകള്‍ക്ക് മുന്‍പ് തന്നെസ്വര്‍ഗ്ഗാരോപിത മാതാവിനു സമര്‍പ്പിക്കപ്പെട്ട രാഷ്ട്രമാണ്. “മറിയത്തിന്റെ മാര്‍ഗ്ഗത്തില്‍” (ടെ അരാ ഒ മരിയ) എന്നപേരിലായിരിക്കും പുനര്‍സമര്‍പ്പണം. ഓക്ക്ലാന്‍ഡ് രൂപതാ വികാരി ജനറാള്‍ ഫാ. മാനുവല്‍ ബീസ്‌ലി നിര്‍ദ്ദേശിച്ചനാമത്തിനു പുനര്‍സമര്‍പ്പണവുമായി ബന്ധപ്പെട്ട് ചേര്‍ന്ന പ്രത്യേക യോഗത്തില്‍ മെത്രാന്‍സമിതി അംഗീകാരംനല്‍കുകയായിരുന്നു.  സെന്‍ട്രല്‍ വെല്ലിംഗ്ടണിലെ ചരിത്രപരമായ സെന്റ്‌ മേരി ഓഫ് ദി ഏഞ്ചല്‍സ് ദേവാലയത്തെ പരിശുദ്ധകന്യകാമാതാവിന്റെ ദേശീയ ദേവാലയമായി പ്രഖ്യാപിക്കുന്ന കാര്യവും മെത്രാന്‍ സമിതി അംഗീകരിച്ചിട്ടുണ്ട്. പുനര്‍സമര്‍പ്പണത്തിനായി തങ്ങള്‍ക്ക് ഒരു ഔപചാരിക നാമം ആവശ്യമായിരുന്നെന്നും, മാനുവലിന്റെ നിര്‍ദ്ദേശംമിഷ്ണറി ശിഷ്യത്വത്തിന്റെ വഴിയിലേക്ക് നമ്മളെ നയിക്കുന്നതില്‍ ശിഷ്യത്വത്തിന്റെ മാതൃകയായ പരിശുദ്ധകന്യകാമാതാവ് വഹിക്കുന്ന പങ്കിനെ മനോഹരമായി ചിത്രീകരിക്കുന്ന നാമമാണെന്നുമാണ് ഹാമില്‍ട്ടണ്‍ ബിഷപ്പ്സ്റ്റീഫന്‍ ലോവ് പുനര്‍സമര്‍പ്പണത്തിന്റെ നാമകരണത്തേക്കുറിച്ച് പറഞ്ഞത്.  വരുന്ന ഓഗസ്റ്റ് 15ന് സെന്റ്‌ മേരി ഓഫ് ദി ഏഞ്ചല്‍സ് ദേവാലയത്തില്‍വെച്ച് ഡാമിയന്‍ വാക്കര്‍ എന്ന കലാകാരന്‍വരച്ച ഉണ്ണിയേശുവുമൊത്തുള്ള പരിശുദ്ധ കന്യകാമാതാവിന്റെ പെയിന്റിംഗിന്റെ അനാച്ഛാദനവും നടക്കും. ഇതിനുശേഷം രാജ്യത്തെ ആറു കത്തോലിക്കാ രൂപതകളിലൂടെയുള്ള ഒരു തീര്‍ത്ഥാടനവും ക്രമീകരിച്ചിട്ടുണ്ട്. രാഷ്ട്രത്തിന്റെ പുനര്‍സമര്‍പ്പണ കര്‍മ്മത്തില്‍ പങ്കെടുക്കുവാന്‍ മെത്രാന്‍ സമിതി തങ്ങളുടെ വെബ്സൈറ്റിലൂടെഎല്ലാ ഇടവകകളേയും ക്ഷണിച്ചിട്ടുണ്ട്. 1838 ജനുവരി 13ന് സെന്റ്‌ മേരി ഓഫ് ദി ഏഞ്ചല്‍സ്ദേവാലയത്തില്‍വെച്ച് ബിഷപ്പ് ജീന്‍-ബാപ്റ്റിസ്റ്റെ പൊംപാല്ലിയര്‍ ആദ്യമായി വിശുദ്ധ കുര്‍ബാന അര്‍പ്പിച്ചഅവസരത്തിലാണ് ന്യൂസിലന്റിനെ സ്വര്‍ഗ്ഗാരോപിത മാതാവിനായി സമര്‍പ്പിച്ചത്. 

ഇറ്റാലിയൻ സർക്കാർ മുന്നോട്ടുവെച്ച ‘ആന്റി ഹോമോഫോബിയ’ നിയമ നിർമ്മാണത്തിനെതിരെ വത്തിക്കാൻ.

സ്വവര്‍ഗ്ഗാനുരാഗികള്‍ക്ക് വേണ്ടി ഇറ്റാലിയൻ സർക്കാർ മുന്നോട്ടുവെച്ച ‘ആന്റി ഹോമോഫോബിയ’ നിയമനിർമ്മാണത്തിനെതിരെ വത്തിക്കാൻ സർക്കാരിനെ ആശങ്ക അറിയിച്ചു. ഇപ്പോൾ ചർച്ചയിൽ ഇരിക്കുന്ന ബില്ലിന്റെകാര്യത്തിലുള്ള തങ്ങളുടെ ആശങ്ക ചൂണ്ടിക്കാട്ടി വത്തിക്കാൻ വിദേശകാര്യമന്ത്രി ആർച്ച് ബിഷപ്പ് പോൾഗല്ലാഘറാണ് ഇറ്റാലിയൻ കാര്യാലയത്തിന് കത്ത് നൽകിയത്. എൽജിബിറ്റി ചിന്താഗതിക്കെതിരെശബ്ദിക്കുന്നത് നിയമവിരുദ്ധമാക്കുന്നതാണ് നിര്‍മ്മാണം. ഇറ്റാലിയൻ മാധ്യമമായ കോറേറി ഡെല്ലാ സേറയാണ്ഇക്കാര്യം റിപ്പോർട്ട് ചെയ്തിരിക്കുന്നത്. ഇരുരാജ്യങ്ങളും തമ്മിൽ നയതന്ത്ര കരാറൊപ്പിട്ടതിനുശേഷം ഇങ്ങനെ ഒരുസംഭവം അസാധാരണമാണെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു. വിദ്യാലയങ്ങളില്‍ അടക്കംക്രൈസ്തവ വിശ്വാസത്തിൽ ഊന്നിയുള്ള വിദ്യാഭ്യാസം നൽകുന്നതിന് പുതിയ നിയമം ഭീഷണിയാകുമെന്ന്കണ്ടാണ് വത്തിക്കാൻ സർക്കാരിന്റെ നിയമനിർമാണത്തെ എതിർക്കാൻ തീരുമാനമെടുത്തതെന്ന്നിരീക്ഷിക്കപ്പെടുന്നു. .  ജനപ്രതിനിധിസഭ കഴിഞ്ഞ നവംബർ മാസം പാസാക്കിയ ബില്ല് ഇപ്പോൾ ജസ്റ്റിസ് കമ്മീഷന്റെ പരിഗണനയിലാണ്. ലിംഗ വ്യത്യാസത്തിന്റെ പേരിൽ വേർതിരിവും, അക്രമങ്ങളും ഒഴിവാക്കുക എന്നതാണ് ബില്ലിന്റെ ലക്ഷ്യമായിപറഞ്ഞിരിക്കുന്നത്. സർക്കാരുമായി ഒപ്പിട്ടിരിക്കുന്ന കരാർ പ്രകാരം, തങ്ങൾക്ക് ലഭിക്കേണ്ട സ്വാതന്ത്ര്യത്തിന്ഭീഷണി സൃഷ്ടിക്കുന്ന നിർദേശങ്ങളാണ് ബില്ലിലുള്ളതെന്ന് വത്തിക്കാൻ കൈമാറിയ കത്തിൽ പറയുന്നു. 1929ൽ ഇറ്റലിയും വത്തിക്കാനും തമ്മിൽ ഒപ്പുവെച്ച ലാറ്ററൻ ഉടമ്പടി 1984ൽ ഭേദഗതിയിലൂടെപുതുക്കിയിരിക്കുന്നു.  ഉടമ്പടിപ്രകാരം അജപാലന, വിദ്യാഭ്യാസ, സുവിശേഷവത്കരണ മേഖലകളിലടക്കം ഹിതപ്രകാരംപ്രവർത്തിക്കാനുള്ള സ്വാതന്ത്ര്യം ഇറ്റാലിയൻ സർക്കാർ വത്തിക്കാന് നൽകണം. ആർട്ടിക്കിൾ രണ്ട്, ഖണ്ഡിക മൂന്ന്പ്രകാരം കത്തോലിക്കാ വിശ്വാസികൾക്കും, അവരുടെ സംഘടനകൾക്കും ഒത്തുചേരാനും, തങ്ങളുടെ ആശയങ്ങൾവാക്കുകളിലൂടെയും, എഴുത്തിലൂടെയും മറ്റുള്ളവരുമായി പങ്കുവയ്ക്കാനും അവകാശമുണ്ട്. എന്നാൽ ഉടമ്പടിയിൽപറഞ്ഞിരിക്കുന്ന അവകാശങ്ങൾക്ക് കടിഞ്ഞാണിടുന്നതാണ് പുതിയ ബില്ലെന്നാണ് ആർച്ച് ബിഷപ്പ് പോൾഗല്ലാഘര്‍ ചൂണ്ടിക്കാട്ടുന്നത്.  അതിനാൽ ബില്ലിലെ നിർദേശങ്ങളിൽ ഭേദഗതി വേണമെന്ന് ആർച്ച് ബിഷപ്പ് ആവശ്യപ്പെട്ടു. 

ഫ്ലോറെൻസിൽ വിശുദ്ധ സ്നാപക യോഹന്നാന്റെ പുരാതനമായ ഭൗതീകാവശിഷ്ടം കണ്ടെടുത്തു.

1557 ലെ വെള്ളപ്പൊക്കത്തെ തുടർന്ന് തിരുശേഷിപ്പുകൾ സൂക്ഷിച്ചിരുന്ന പ്രത്യേകയിടത്തിൽ നിന്ന് നഷ്ടപ്പെട്ടു പോയിരുന്ന യേശുവിന്റെ ബന്ധുവായ സ്നാപക യോഹന്നാന്റെ കഴുത്തിൽ നിന്നുള്ള ഒരു അസ്ഥിയാണ് കണ്ടെടുക്കുകയും ആധികാരികമായി തിരച്ചറിയപ്പെടുകയും ചെയ്തത്. വി. സ്നാപക യോഹന്നാന്റെ അമൂല്യമായ ശരീരാവശിഷ്ടം അടുത്ത ജൂൺ 24ന്…

വിശുദ്ധന്റെ തിരുശേഷിപ്പ് ദേവാലയത്തില്‍ തിരികെയെത്തിച്ച് മോഷ്ടാവ്!

വിശുദ്ധ ജോണ്‍ പോള്‍ രണ്ടാമനില്‍ ഏറെ സ്വാധീനം ചെലുത്തിയ പത്തൊന്‍പതാം നൂറ്റാണ്ടിലെ പോളിഷ്വിശുദ്ധന്‍ ബ്രദര്‍ ആല്‍ബര്‍ട്ട് എന്നറിയപ്പെടുന്ന വിശുദ്ധ ആല്‍ബെര്‍ട്ട് ച്മിയലോവ്സ്കിയുടെ മോഷ്ടിക്കപ്പെട്ടതിരുശേഷിപ്പ് ദേവാലയ നേതൃത്വത്തിന് തിരികെ ലഭിച്ചു. ഇന്നലെ ജൂണ്‍ 18ന് മോഷ്ടാവ് തന്നെയാണ് ഈഅമൂല്യ തിരുശേഷിപ്പുകള്‍ ഭദ്രമായി തിരികെ എത്തിച്ചതെന്നു ക്രാക്കോവിലെ പോഡ്ഗോര്‍സിലെ സെന്റ്‌ജോസഫ് ഇടവക ദേവാലയം സമൂഹ മാധ്യമങ്ങളിലൂടെ അറിയിക്കുകയായിരിന്നു. ‘ഇന്നു രാവിലെ 7 മണിക്ക്വിശുദ്ധ ബ്രദര്‍ ആല്‍ബര്‍ട്ടിന്റെ തിരുശേഷിപ്പുകള്‍ അതിരുന്ന സ്ഥലത്ത് തിരികെ എത്തി. മോഷ്ടാവ് നേരിട്ട്തിരുശേഷിപ്പുകള്‍ തിരികെ എത്തിക്കുകയും, ക്ഷമാപണം നടത്തുകയും ചെയ്തിട്ടുണ്ടെന്നാണ് പോസ്റ്റ്. തിരുശേഷിപ്പുകള്‍ തിരികെ ലഭിച്ചതില്‍ ദൈവത്തിനു നന്ദി പറഞ്ഞുകൊണ്ട് ദേവാലയത്തിന്റെ പോസ്റ്റ്അവസാനിക്കുന്നത്.

വിശുദ്ധ ജോൺ പോൾ രണ്ടാമൻ പാപ്പയുടെ മാതാപിതാക്കളായ കാരൾ വോയുറ്റീവയുടെയും എമിലിയയുടെയും നാമകരണ നടപടികൾക്ക് പോളണ്ടിൽ ഔദ്യോഗിക ആരംഭം .

വിശുദ്ധ ജോൺ പോൾ രണ്ടാമൻ പാപ്പയുടെ മാതാപിതാക്കളായ കാരൾ വോയുറ്റീവയുടെയും എമിലിയയുടെയുംനാമകരണ നടപടികൾക്ക് പോളണ്ടിൽ ഔദ്യോഗിക ആരംഭം . വിശുദ്ധന്റെ ജന്മസ്ഥലമായ വാഡോവീസിലെദൈവമാതാവിന്റെ ബസിലിക്കയിൽ ക്രാക്കോ ആർച്ച്ബിഷപ്പ് മാരെക് ജെദ്രസ്വേസ്കി ട്രിബ്യൂണലിന് രൂപംനൽകിയ വിവരം പ്രഖ്യാപിച്ചതോടെയാണ് നാമകരണ നടപടിക്രമങ്ങൾക്ക് തുടക്കമായത് . തുടർന്ന്അദ്ദേഹത്തിന്റെ മുഖ്യകാർമികത്വത്തിൽ അർപ്പിച്ച ദിവ്യബലി , തത്സമയം സാമൂഹ്യമാധ്യമങ്ങളിലൂടെ പ്രക്ഷേപണംചെയ്തു . കാരളിന്റെയും എമിലിയയുടെയും ജീവിത വിശുദ്ധിയെക്കുറിച്ച് കൂടുതൽ പഠിക്കുക , അതുമായിബന്ധപ്പെട്ട തെളിവുകൾ ശേഖരിക്കുക എന്നിവയാണ് ട്രിബ്യൂണലിന്റെ ലക്ഷ്യം . വിശുദ്ധ ജോൺ പോൾരണ്ടാമന്റെ പേഴ്സണൽ സെക്രട്ടറിയായി ഏറെക്കാലം സേവനമനുഷ്ഠിച്ച കർദിനാൾ സ്റ്റാനിസ്വാ ഡിവിസുംതിരുക്കർമങ്ങളിൽ സന്നിഹിതനായിരുന്നു . പോളിഷ് ആർമിയിലെ ഉദ്യോഗസ്ഥനായിരുന്ന കാരൾ വോയ്റ്റീവയും അധ്യാപികയായിരുന്ന എമിലിയയും 1906 ഫെബ്രുവരി 10 നാണ് വിവാഹിതരായത് . ഇവരുടെ ദാമ്പത്യവല്ലരിയിൽ ജനിച്ചത് മൂന്നു മക്കൾ . എഡ്മണ്ട് , വോൾഗ എന്നിവരായിരുന്നു മറ്റ് രണ്ടു മക്കൾ . വോൾഗ ജനിച്ച് കുറച്ചു നാളുകൾക്കുള്ളിൽ തന്നെ മരണമടഞ്ഞു . ഗർഭച്ഛിദ്രം ചെയ്യപ്പെടാനുള്ള സാധ്യതകളെ അതിജീവിച്ചാണ് മൂന്നാമത്തെ കുട്ടിയായി കാരൾ ജോസഫ്വൊയ്റ്റീവയുടെ ( വിശുദ്ധ ജോൺ പോൾ രണ്ടാമന്റെ ജ്ഞാനസ്നാന നാമം ) ജനനം . മൂന്നാമതും ഗർഭിണിയായഎമിലിയയെ , ആരോഗ്യപ്രശ്നങ്ങൾ ചൂണ്ടിക്കാട്ടി ഡോക്ടർ ഗർഭച്ഛിദ്രത്തിന് നിർബന്ധിച്ചെങ്കിലും അതിന് അവർവിസമ്മതിക്കുകയായിരുന്നു . ജീവന്റെ മൂല്യത്തിന് വൊയീവ കുടുംബം നൽകിയ പ്രാധാന്യത്തിന്തെളിവുകൂടിയായാണ് ഈ സംഭവം ചൂണ്ടിക്കാട്ടപ്പെടുന്നത് . ജോൺ പോൾ പാപ്പയ്ക്ക് ഒൻപത് വയസുള്ളപ്പോൾ , 1929 ൽ എമിലിയ മരണപ്പെട്ടു . പിന്നീട് 12 വർഷം തന്റെ മരണം വരെ രണ്ട് മക്കളെയും പരിപാലിച്ചത് കാരൾആയിരുന്നു . 1941 ലായിരുന്നു അദ്ദേഹത്തിന്റെ വിയോഗം . ആഴമേറിയ ദൈവവിശ്വാസിയും കഠിനാധ്വാനിയുമായിരുന്ന കാരൾ വോയുറ്റീവയുടെ ജീവിതമാണ് ജോൺ പോൾരണ്ടാമനെ വിശുദ്ധിയുടെ വഴിയേ നടത്തിയത് . രാത്രിയിൽ മുട്ടിന്മേൽനിന്ന് തന്റെ പിതാവ് പ്രാർത്ഥിക്കുന്നത്കാണുമായിരുന്നുവെന്ന് പലതവണ വിശുദ്ധ ജോൺ പോൾ രണ്ടാമൻ വെളിപ്പെടുത്തിയിട്ടുണ്ട് . പരിശുദ്ധാത്മാവിനോടുള്ള പ്രാർത്ഥന പാപ്പയെ പഠിപ്പിച്ചതും അദ്ദേഹത്തിന്റെ പിതാവായിരുന്നു . ജീവിതാവസാനംവരെ പ്രസ്തുത പ്രാർത്ഥന പാപ്പ ചൊല്ലുമായിരുന്നുവെന്ന് വിവിധ രേഖകൾ ചൂണ്ടിക്കാട്ടുന്നു . അടിയുറച്ച കത്തോലിക്ക വിശ്വാസത്തിൽ ജീവിതം നയിച്ച വോയുറ്റീവ് കുടുംബം , ആ സമയത്ത് പ്രബലമായിരുന്നയഹൂദ വിരുദ്ധതയെ ശക്തമായി എതിർത്തിരുന്നു . പാപ്പയുടെ കുടുംബം അന്നത്തെ ആത്മീയ ഭൗതിക വളർച്ചയെവലിയതോതിൽ സ്വാധീനിച്ചിട്ടുണ്ടെന്ന് പോളിഷ് മെത്രാൻ സമിതിയും തെളിവുകളുടെ അടിസ്ഥാനത്തിൽസാക്ഷ്യപ്പെടുത്തിയിട്ടുണ്ട് . 

ജറുസലേമിൽ സമാധാനം നിലനിർത്തണം എന്ന അഭ്യർത്ഥനയുമായി ഫ്രാൻസിസ് പാപ്പാ

പാലസ്തീൻ പ്രതിഷേധക്കാരും ഇസ്രായേൽ പൊലീസുകാരും തമ്മിൽ ജറുസലേമിൽ ഏറ്റുമുട്ടലുകൾ തുടരുകയാണ്. ഈ അവസരത്തിൽ ജറുസലേമിൽ നടക്കുന്ന അക്രമങ്ങൾക്ക് സമാധാനം നിലനിർത്താനും ഇപ്പോൾ സംജാതമായിക്കൊണ്ടിരിക്കുന്ന പ്രശ്നങ്ങൾക്ക് പരിഹാരം കണ്ടെത്താനും മാർപാപ്പ ആവശ്യപ്പെടുന്നു. ജറുസലേമിലെ തെരുവുകളിൽ പുതുതായി നടന്ന ഏറ്റുമുട്ടലിനുശേഷം, ഫ്രാൻസിസ് മാർപാപ്പ എല്ലാ…

🤝🤝🤝🤝🤝🤝സ്വിറ്റ്സർലണ്ടിന്റെ പ്രസിഡൻറ് വത്തിക്കാനിൽ!🤝🤝🤝🤝🤝🤝

സ്വിറ്റ്സർലണ്ടിലെ പ്രസിഡൻറ് ഗയ് പാർമെലിനെ (Guy Parmelin) മാർപ്പാപ്പാ വത്തിക്കാനിൽ സ്വീകരിച്ചു.വത്തിക്കാനിൽ പുതിയ 34 സ്വിസ് കാവൽഭടന്മാർ സത്യപ്രതിജ്ഞ ചെയ്ത വ്യാഴാഴ്‌ച (06/05/21) രാവിലെയാണ് ഫ്രാൻസീസ് പാപ്പാ അദ്ദേഹവുമായി കൂടിക്കാഴ്ച നടത്തിയത്.സ്വിസ് ഭടന്മാരേകുന്ന ഉദാരമായ സേവനം നന്ദിയോടെ അനുസ്മരിച്ച ഇരുവരും പരിശുദ്ധസിംഹാസനവും…