• ശനി. നവം 27th, 2021

Cat-NewGen

Language of Jesus and His Church is Love

FAITH

  • Home
  • ദൈവത്തിന് എന്നെക്കുറിച്ചുള്ള പദ്ധതിയാണ് ഏറ്റവും ഉത്തമമായ പദ്ധതി.

ദൈവത്തിന് എന്നെക്കുറിച്ചുള്ള പദ്ധതിയാണ് ഏറ്റവും ഉത്തമമായ പദ്ധതി.

തങ്കച്ചന്‍ തുണ്ടിയില്‍  ചെറുപ്പത്തില്‍ വൈദികനാകണമെന്ന് ആഗ്രഹിച്ചു. നടന്നില്ല. ഇടവകയില്‍ ഒരു കപ്യാരുടെ ഒഴിവു വന്നപ്പോള്‍ഞാന്‍ ചിന്തിച്ചു. ഈ പണി കിട്ടിയാല്‍ കൊള്ളാം. ഏതായാലും എന്നും പള്ളിയില്‍ പോകുന്നുണ്ട്. അതോടൊപ്പംകപ്യാരുടെ പണി കൂടിയായാല്‍ ഒരു വരുമാനവുമായി, പ്രത്യേക ത്യാഗങ്ങള്‍ ഇല്ലതാനും. തെങ്ങു കയറ്റംനിര്‍ത്തുകയുമാകാം.  ഞാന്‍ തെങ്ങു കയറുന്ന അനേകം വീടുകളുണ്ട്. അവരില്‍ പലരും പള്ളി കമ്മറ്റിക്കാരുമാണ്. ഞാന്‍ അവരോട്പറഞ്ഞു. പാരിഷ് കൗണ്‍സില്‍ കൂടുമ്പോള്‍ കപ്യാര്‍ സ്ഥാനത്തേക്ക് എന്‍റെ പേര്‍ പറയണം. കപ്യാരു പണികഴിഞ്ഞ് നിങ്ങളുടെ തേങ്ങായും ഇട്ടു തരാം. വളരെ പ്രതീക്ഷയോടെ കാത്തിരുന്ന പാരീഷ് കൗണ്‍സിലില്‍ഇക്കാര്യം ചര്‍ച്ചക്കു വന്നപ്പോള്‍ പലരും തന്‍റെ പേര് സൂചിപ്പിച്ചു. അച്ഛന്‍ അന്ന്‍ പാരീഷ് കൗണ്‍സിലില്‍ പറഞ്ഞവാക്കുകള്‍ എന്നെ ഏറെ വേദനിപ്പിച്ചു. “അവന്‍ കപ്യാരായാല്‍ ശരിയാവുകയില്ല. കുര്‍ബ്ബാനയോടൊക്കെ അല്‍പംഭക്തിയുള്ള ആളാകണം കപ്യാര്.” എന്നേക്കാള്‍ പക്വതയുള്ള മറ്റൊരാളെ തിരഞ്ഞെടുത്തു.  പക്ഷേ അത്ഭുതം അതല്ല. എന്നെ അന്ന് കപ്യാരായിട്ട് തിരഞ്ഞെടുത്തിരുനെങ്കില്‍ ഞാന്‍ ഇന്ന് ഈ നിലയില്‍എത്തുമായിരുന്നില്ല. അതിനുശേഷം ഒരു വര്‍ഷം കഴിഞ്ഞാണ് ഞാന്‍ കുര്‍ബാനയെക്കുറിച്ച് ക്ലാസ്സെടുക്കാനുംഎഴുതാനും തുടങ്ങിയത്. ഇവിടെ ഒരു സത്യം കുറിക്കട്ടെ. അന്നത്തെ തിരഞ്ഞെടുപ്പ് നൂറു ശതമാനംദൈവഹിതമായിരുന്നു. എന്നെ അവിടം കൊണ്ട് നിര്‍ത്താനല്ലായിരുന്നു കര്‍ത്താവിന്‍റെ പദ്ധതി. “മനുഷ്യന്‍പദ്ധതികള്‍ വിഭാവനം ചെയ്യുന്നു. അന്തിമമായ തീരുമാനം കര്‍ത്താവിന്‍റേതാണ്.” ആ നാളുകളില്‍ തന്നെകുര്‍ബ്ബാനയ്ക്കിടയില്‍ ഒരു ഗാനത്തിലൂടെ എന്‍റെ ഭോഷത്തം തിരിച്ചറിഞ്ഞു. ഇതേപ്പറ്റി ചിന്തിച്ചപ്പോള്‍ എനിക്കുമനസ്സിലായത് വി. പത്രോസിനെ ഈശോ വിളിച്ചപ്പോള്‍ തന്നെ “ആദ്യ മാര്‍പ്പാപ്പയായി” തന്നെയാണ് കണ്ടത്. തള്ളിപ്പറഞ്ഞപ്പോഴും ചെവി ഛേദിച്ചപ്പോഴും, വെള്ളത്തില്‍ എടുത്തുചാടി താഴ്ന്നപ്പോഴും എല്ലാം. അങ്ങനെയെങ്കില്‍എന്തൊക്കെ കോപ്രായങ്ങള്‍ ഞാന്‍ കാണിച്ചാലും (അറിഞ്ഞും അറിയാതെയും) ദൈവത്തിന് എന്നെക്കുറിച്ചുള്ളപദ്ധതിയാണ് ഏറ്റവും ഉത്തമമായ പദ്ധതി. 

290വർഷങ്ങൾ പഴക്കമുള്ള തിരുവോസ്തികൾ!

സിയെന്നായിലെ സെ . ഫ്രാൻസിസ് ദേവാലയത്തിൽ നിന്നും 1730 ആഗസ്റ്റ് 14 ന് കൂദാശ ചെയ്യപ്പെട്ട 351 തിരുവോസ്തികൾ സൂക്ഷിച്ചിരുന്ന സിബോറിയം മോഷ്ടിക്കപ്പെട്ടു . 3 ദിവസങ്ങൾക്കുശേഷംആഗസ്റ്റ് 17 ന് പ്രൊവൻസാനൊയിലെ സാന്താ മരിയ ദേവാലയത്തിൽ ഒരു പെട്ടിയിൽ സൂക്ഷിച്ച നിലയിൽസിബോറിയം വീണ്ടെടുത്തു . ജനങ്ങൾ അത് സാഘോഷം പ്രദക്ഷിണമായി തങ്ങളുടെ ദേവാലയത്തിലേക്ക്തിരികെ കൊണ്ടുവന്നു . കുറേ ദിവസം കഴിഞ്ഞ് സിബോറിയം തുറന്നു നോക്കി . തിരുവോസ്തികൾക്ക് യാതൊരുമാറ്റവും വന്നിട്ടില്ല . ആർച്ച്ബിഷപ്പ് തിബേരിയോ ബൊർഗസെ , ഒരു താരതമ്യ പഠനമെന്ന രീതിയിൽ കൂദാശചെയ്യാത്ത കുറച്ച് ഓസ്തികൾ ഒരു പാത്രത്തിലാക്കി സീൽ ചെയ്തു . 10 വർഷങ്ങൾക്കു ശേഷം തുറന്നു നോക്കിയപ്പോൾ ആ ഓസ്തികളെല്ലാം നശിച്ചു പോയിരുന്നു . എന്നാൽ തിരിച്ചുകിട്ടിയ ആ 351 തിരുവോസ്തികളും 290 വർഷങ്ങൾ പിന്നിട്ട് , ഇന്നുംപുതുമയോടെ സൂക്ഷിക്കപ്പെടുന്നു . 1922 വരെയുള്ള കാലഘട്ടങ്ങളിൽ നിരവധി പഠനങ്ങൾക്ക് വിധേയമാക്കപ്പെട്ടഈ അത്ഭുതത്തിന്റെ ആധികാരികത വി .10 -ാം പിയൂസ് പാപ്പയാണ് പ്രഖ്യാപിച്ചത്.

ദൈവത്തെ ആരാധിക്കാൻ എന്തിന് ലജ്ജിക്കുന്നു?”

ഹൈക്കോടതിയില്‍ ജഡ്ജിയായിരുന്ന കാലം. രാവിലെ കോടതിയിലേക്കുള്ള യാത്രയില്‍ പതിവുപോലെ നിത്യാരാധനാചാപ്പലിലേക്ക് പോയി. അകത്തേക്ക് പ്രവേശിക്കുന്നതിനു മുമ്പ് സാധാരണ ചെയ്യാറുള്ളതുപോലെ സ്യൂട്ട് ഉള്‍പ്പെടെയുള്ള എന്‍റെ ഔദ്യോഗിക വസ്ത്രങ്ങള്‍ മാറ്റിവച്ചു. അന്ന് ആരാധനാമധ്യേ മൃദുവായ ഒരു ചോദ്യം മനസിലേക്ക് വന്നു. “നിന്നെ ഇപ്രകാരം ഔദ്യോഗിക…

ഈശോയുടെ തിരുശരീര രക്തങ്ങൾ വിശുദ്ധ കുർബാനയിലൂടെ നൽകുന്നുവെന്ന് പഠിപ്പിക്കുകയും വിശുദ്ധ കുർബാന സ്വീകരണസമയത്ത് ഓസ്തി (ഈശോയുടെ തിരുശരീരം) മാത്രം നൽകുകയും വീഞ്ഞ് (തിരുരക്തം) നൽകാതിരിക്കുകയും ചെയ്യുന്നതിന്റെ ഔചിത്യം എന്ത് ?

ബലിയർപ്പിക്കുമ്പോൾ ഓസ്തിയും വീഞ്ഞും വെവ്വേറെയാണ് കൂദാശചെയ്യുന്നത് . അതിനുശേഷം കുർബാനക്കിടെഇവരണ്ടും സംയോജിപ്പിക്കുന്ന കർമ്മമുണ്ട്. തിരുവോസ്തി രണ്ടായി വിഭജിച്ച തിനുശേഷം തിരുവോസ്തിയുടെഒരറ്റംകൊണ്ട് തിരുരക്തത്തിൽ കുരിശുവരയ്ക്കുന്നു . അപ്രകാരം തിരുരക്തത്താൽ നനവേറ്റഭാഗം കൊണ്ട്ജനങ്ങൾക്ക് നല്കുന്ന കുതോദിയിലെ ( Ciborium ) ചെറിയ ഓസ്തികളിൽ കുരിശുവരച്ചുകൊണ്ട് കാർമ്മികൻചൊല്ലുന്ന പ്രാർത്ഥന ഇപ്രകാരമാണ്: “ സ്തുത്യർഹവും പരിശുദ്ധവും ജീവദായകവും ദൈവികവുമായരഹസ്യങ്ങൾ പിതാവും പുത്രനും പരിശുദ്ധാത്മാവുമായ മഹത്വമേറിയ തിത്വത്തിന്റെ ആരാധ്യവും മഹനീയവുമായനാമത്തിൽ വേർതിരിക്കപ്പെടുകയും പവിത്രീകരിക്കപ്പെടുകയും പൂർത്തീകരിക്കപ്പെടുകയും കലർത്തപ്പെടുകയുംപരസ്പരം യോജിപ്പിക്കപ്പെടുകയും ചെയ്തിരിക്കുന്നു.” ദൈവശാസ്ത്രപരമായി പറഞ്ഞാൽ, ഇതോടെതിരുശ്ശരീരത്തിലേക്ക് തിരുരക്തവും , തിരുരക്തത്തിലേക്ക് തിരുശ്ശരീരവും ചേർന്നു കഴിഞ്ഞു. അതിനാൽദിവ്യകാരുണ്യ സ്വീകരണസമയത്ത് തിരുശ്ശരീരരക്തങ്ങളിൽ ഒന്നു മാത്രമേ ലഭിക്കുന്നുവെന്നു പറയുന്നത്ദൈവശാസ്ത്രപരമായി ശരിയല്ല. ചുരുക്കത്തിൽ , തിരുശ്ശരീരരക്തങ്ങൾ ഒരുമിച്ച് സ്വീകരിച്ചാലും തിരുശ്ശരീരം മാത്രംസ്വീകരിച്ചാലും കുർബ്ബാനസ്വീകരണം പൂർണ്ണമാണ്.

ശുദ്ധീകരണാത്മാക്കൾക്കുവേണ്ടി നാം പ്രാർത്ഥിക്കുമ്പോൾ ലഭിക്കുന്ന അനുഗ്രഹങ്ങളെക്കുറിച്ച് മരിയാ വാൾതോർത്താ എന്ന ദർശകയ്ക്ക് ഈശോ വെളിപ്പെടുത്തിയ കാര്യങ്ങൾ ”

ദൈവമനുഷ്യന്റെ സ്‌നേഹഗീത” എന്ന പുസ്തകത്തിൽ ഇപ്രകാരം രേഖപ്പെടുത്തിയിരിക്കുന്നു. ശാരീരികമായ കാരുണ്യ പ്രവൃത്തികൾക്കും സ്വർഗത്തിൽ സമ്മാനമുണ്ടെന്ന് ഞാൻ പറഞ്ഞിരുന്നു. സത്യമായുംഞാൻ പറയുന്നു, മരിച്ചവരുടെ ആത്മാക്കൾക്കായുള്ള പ്രാർത്ഥന കാരുണ്യ പ്രവൃത്തിയാണ്. അതിന് ദൈവംനിങ്ങളെ അനുഗ്രഹിക്കും. നിങ്ങൾ ആർക്കുവേണ്ടി പ്രാർത്ഥിച്ചുവോ, ആ ആത്മാക്കൾ നിങ്ങളോടു നന്ദിയുള്ളവരായിരിക്കും. ശരീരത്തിന്റെപുനരുത്ഥാനത്തിൽ നിങ്ങളെല്ലാം വിധികർത്താവായ ക്രിസ്തുവിന്റെ മുമ്പിൽ ഒരുമിച്ചു കൂടിയിരിക്കുമ്പോൾ, ഞാൻ ആഗ്രഹിക്കുന്നവരോടുകൂടെ ശുദ്ധീകരിക്കപ്പെടുന്ന സഹോദരങ്ങളോട് കാരുണ്യം കാണിച്ച്അവർക്കുവേണ്ടി പ്രാർത്ഥിക്കുകയും ദാനധർമം നടത്തുകയും ചെയ്തവരുടെ ആത്മാക്കളും ഉണ്ടായിരിക്കും. ഞാൻനിങ്ങളോടു പറയുന്നു, ഒരു നന്മപ്രവൃത്തിപോലും ഫലമില്ലാതായി പോകുന്നില്ല. അനേകം ആളുകൾ സ്വർഗത്തിൽതെളിവായി പ്രകാശിക്കും. അവർ സുവിശേഷം പ്രസംഗിച്ചിട്ടല്ല, എന്നാൽ അവർ വിശുദ്ധീകരിക്കപ്പെടുന്നആത്മാക്കൾക്കുവേണ്ടിയും പ്രാർത്ഥിക്കുകയും സഹിക്കുകയും ചെയ്തിട്ടുണ്ട്. ലോകത്തിൽ അറിയപ്പെടാത്തവരായ പുരോഹിതരും പ്രേഷിതരും ദൈവം മാത്രം അറിയുന്ന സഹനത്തിന്റെബലിയാടുകളുമായിരുന്നവരും കർത്താവിന്റെ ശുശ്രൂഷകരുടെ പ്രതിസമ്മാനം സ്വീകരിക്കും. കാരണം അവരുടെജീവിതത്തെ അവർ സഹോദരസ്‌നേഹത്തിനും ദൈവമഹത്വത്തിനുമായി നിരന്തര സ്‌നേഹബലിയായിഅർപ്പിച്ചവരാണ്. ഞാൻ സത്യമായി പറയുന്നു, നിത്യജീവിതത്തിലേക്ക് പല വഴികളിലൂടെ പ്രവേശിക്കാം. അതിൽഒന്ന് ഇതാണ്. ഇത് എന്റെ ഹൃദയത്തിന് വളരെ പ്രീതിയുളവാക്കുന്നു.” ഈശോ മേൽപ്പറഞ്ഞപ്രകാരംവെളിപ്പെടുത്തിയതനുസരിച്ച് തിരുസഭയോട് ചേർന്ന് നമുക്കും സകല ശുദ്ധീകരണാത്മാക്കൾക്കുവേണ്ടിപ്രാർത്ഥന തുടരാം.

നിൻ്റെ കുഴിമാടം തേടി പൂക്കളും തിരികളുമായി സെമിത്തേരിയുടെ വാതിൽ തള്ളിത്തുറന്ന് ആരെങ്കിലും വരും. തീർച്ചയായും വരും.

വിയർപ്പിനു ഗന്ധം മാത്രമല്ല രുചിയുമുണ്ട്. ഓരോ വിയർപ്പുതുള്ളിക്കും പറയാനുണ്ടാകും ഒരുപാടു കഥകളും വേദനകളും. വേദനകളും കഥകളും പറയാതെ കടന്നു പോയ ഒരുപാടു വിയർപ്പുതുള്ളികളെ മണ്ണിൻ്റെ നനവു കുളിരുകൊള്ളിക്കുന്ന ഓർമദിനങ്ങളാണ് നവംബർ മാസക്കാലം . അലങ്കരിച്ച കല്ലറകൾക്കുള്ളിൽ അലങ്കാരങ്ങളില്ലാതെ കുറേ മനുഷ്യർ നമ്മെനോക്കി…

💕🙏✝️ജപമണികൾ 🌼🛐 ❣️ – 17

ആരോഹണങ്ങൾ ഓണപ്പരീക്ഷ കഴിഞ്ഞ് കുട്ടികൾക്കെല്ലാം പരീക്ഷാപേപ്പർ കിട്ടി. എല്ലാവരും തങ്ങളുടെ മാർക്കുകളെക്കുറിച്ച് പരസ്പരം വീമ്പുപറയുകയും കൂടുതൽ മിടുക്കരാണെന്ന് കൂട്ടുകാരുടെ മുൻപിൽ അവകാശപ്പെടുകയുമാണ്. പതിവുപോലെ എല്ലാ ചോദ്യോത്തരങ്ങളും എഴുതി അതാതുടീച്ചറെ കാണിക്കാനായി ആവശ്യപ്പെടുന്ന രീതി ആവർത്തിക്കപ്പെട്ടു. ബിനു ക്ലാസിലെത്തി. ഇന്ന് കണക്കുടീച്ചർ പരീക്ഷാചോദ്യങ്ങളെല്ലാം…

💕🙏✝️ജപമണികൾ 🌼🛐 ❣️ – 16

ഉയർത്തേണ്ട ഉയിർപ്പുകൾ സ്നേഹസദൻ വൃദ്ധർക്കുള്ള ഒരു ഭവനമാണ്. അവിടെയുള്ളവരെല്ലാം വലിയ സ്വാധീനവും പണവും പ്രശസ്തിയുമുള്ള വീടുകളിൽ നിന്നുള്ളവരായിരുന്നു. ഓരോ മാസവും വലിയ തുക നൽകിയാണ് അവിടെ എല്ലാവരും നിന്നിരുന്നത്. അതിനനുസരിച്ചുള്ള സൗകര്യങ്ങളും അവിടെ ലഭ്യമായിരുന്നു. സമ്പന്നരായിരുന്നതിനാലും, സാമാന്യം എല്ലാ സൗകര്യങ്ങളും ഉണ്ടായിരുന്നതിനാലും…

യൂറോപ്പില്‍ വിജയകരമായി പ്രദര്‍ശിപ്പിച്ചതിന് ശേഷം ബോസ്കോ ഫിലിംസ് വിതരണം ചെയ്യുന്ന ദിവ്യകാരുണ്യ സിനിമ ‘വിവോ’ ലാറ്റിന്‍ അമേരിക്കയിലേക്ക്

മാഡ്രിഡ്: ദിവ്യകാരുണ്യത്തിന്റെ അത്ഭുതശക്തിയെ കുറിച്ച് പറയുന്ന ‘വിവോ’ എന്ന ഡോക്യുമെന്ററി സിനിമ ലാറ്റിന്‍ അമേരിക്കയിലേക്ക്. യൂറോപ്പില്‍ വിജയകരമായി പ്രദര്‍ശിപ്പിച്ചതിന് ശേഷമാണ് ബോസ്കോ ഫിലിംസ് വിതരണം ചെയ്യുന്ന സിനിമ ലാറ്റിന്‍ അമേരിക്കയില്‍ എത്തുന്നത്. നവംബര്‍ 25ന് മെക്സിക്കോയില്‍ പ്രദര്‍ശനം ആരംഭിക്കുന്ന സിനിമ ഡിസംബര്‍…

അള്‍ത്താരയുടെ മുന്‍പില്‍ ഒരു കാരണവശാലും ഗര്‍ഭഛിദ്രം ചെയ്യില്ലെന്ന പ്രതിജ്ഞയെടുത്ത് ഡോക്ടര്‍മാര്‍

മെക്സിക്കോ സിറ്റി: മെക്സിക്കോയിലെ ജാലിസ്‌കോ സംസ്ഥാനത്തെ സാൻ ജുവാൻ ഡി ലോസ് ലാഗോസ് കത്തീഡ്രൽ ബസിലിക്കയിലെ അള്‍ത്താരയുടെ മുന്‍പില്‍ ഒരു കാരണവശാലും ഗര്‍ഭഛിദ്രം ചെയ്യില്ലെന്ന പ്രതിജ്ഞയെടുത്ത് ഡോക്ടര്‍മാര്‍. ബിഷപ്പ് ജോർജ് ആൽബെർട്ടോ കവാസോസ് അരിസ്‌പെയുടെ സാന്നിധ്യത്തിലായിരിന്നു ഭ്രൂണഹത്യയ്ക്കെതിരെയുള്ള തങ്ങളുടെ ശക്തമായ നിലപാട്…