• ബുധൻ. മേയ് 25th, 2022

Cat-NewGen

Language of Jesus and His Church is Love

Sebin

  • Home
  • പുരോഹിതന്മാർക്ക് എങ്ങനെയാണ് മാലാഖമാരെക്കാൾ ശ്രേഷ്ഠമായ സ്ഥാനം?

പുരോഹിതന്മാർക്ക് എങ്ങനെയാണ് മാലാഖമാരെക്കാൾ ശ്രേഷ്ഠമായ സ്ഥാനം?

ഒരു വിശുദ്ധന്‍റെ ജീവചരിത്രത്തില്‍ ഇപ്രകാരം ഒരു സംഭവം വിവരിക്കുന്നുണ്ട്. ഒരു മാലാഖയേയും പുരോഹിതനെയും ഒരുമിച്ച് കണ്ടാല്‍ ആദ്യം പുരോഹിതനെ അഭിവാദനം ചെയ്യുമെന്ന്. എന്നാല്‍ എനിക്ക് ഇത് ആദ്യം ഉള്‍ക്കൊള്ളാന്‍ കഴിഞ്ഞില്ല. ഞാനെന്‍റെ സംശയം ഈശോയ്ക്ക് സമര്‍പ്പിച്ചു. ‘പുരോഹിതന്മാര്‍ക്കെങ്ങനെ മാലാഖയെക്കാള്‍ ശ്രേഷ്ഠസ്ഥാനം. ഇതൊരു…

ലോകോത്തര സിനിമകളിലെ ഈ ‘പുരോഹിത സിനിമകൾ’നിങ്ങൾ തീർച്ചയായും കണ്ടിരിക്കണം.

കത്തോലിക്കാ സഭയിലെ കൂദാശകളെ അവഹേളിച്ചുകൊണ്ടും, പുരോഹിതരെ അപമാനിച്ചുകൊണ്ടുംസിനിമയെടുക്കുന്ന മലയാളത്തിലെ സംവിധായകരും, അതുകണ്ടു രസിക്കുന്ന പ്രേക്ഷകരും ലോകോത്തരസിനിമകളിലെ ഈ 13 പുരോഹിതരെ തീർച്ചയായും കണ്ടിരിക്കണം. കൂദാശകളും അതു പരികർമ്മം ചെയ്യുന്നപുരോഹിതരും എങ്ങനെയാണ് ലോകത്തെ മാറ്റിമറിച്ചുകൊണ്ട് മാനവകുലത്തെ നന്മയിലേക്ക് കൈപിടിച്ചുനടത്തിയതെന്ന് ഇത്തരം സിനിമകൾ നിങ്ങൾക്ക് കാണിച്ചുതരും.  സമീപകാലത്ത് പുറത്തിറങ്ങിയ ‘ഫാദര്‍ സ്റ്റു’ എന്ന വിശ്വാസാധിഷ്ടിത സിനിമ തിയറ്ററുകളെഇളക്കിമറിച്ചുകൊണ്ട് പ്രദര്‍ശനം തുടരുകയാണ്. ലോകസിനിമാ ചിത്രത്തിൽ പുരോഹിതരും കൂദാശകളുംനിരവധി സിനിമകൾക്ക് പ്രചോദനമായിട്ടുണ്ട്. നിരവധി ഓസ്‌കാർ അവാര്‍ഡുകള്‍ വാരിക്കൂട്ടിയ ചിത്രങ്ങളടക്കംലോകപ്രശസ്ത സിനിമകളിലെ 13 പുരോഹിത കഥാപാത്രങ്ങളെ നമുക്ക് പരിചയപ്പെടാം:  1. ഫാദര്‍ ബ്രൌണ്‍ ദി ഡിറ്റക്ടീവ് (Father Brown Detective) എന്ന സിനിമയിലെ ഫാദര്‍ ബ്രൌണ്‍: 1954-ല്‍പുറത്തിറങ്ങിയ ഫാദര്‍ ബ്രൌണ്‍ എന്ന സിനിമയിലെ കേന്ദ്രകഥാപാത്രമാണ് ഫാദര്‍ ബ്രൌണ്‍ എന്നകുറ്റാന്വോഷകന്‍ കൂടിയായ പുരോഹിതന്‍. തന്റെ സാമര്‍ത്ഥ്യം ഉപയോഗിച്ച് മോഷ്ടാക്കളെ കണ്ടെത്തിപിടികൂടുകയും അവരെ നല്ലവരായി ജീവിക്കുവാന്‍ പ്രേരിപ്പിക്കുകയും ചെയ്യുകയാണ് ഫാദര്‍ ബ്രൌണ്‍. ലോകപ്രശസ്ത ഇംഗ്ലീഷ് നോവലിസ്റ്റായ ജി.കെ ചെസ്റ്റര്‍ട്ടന്റെ ഭാവനയില്‍ വിരിഞ്ഞ കഥാപാത്രമാണ് ഫാദര്‍ ബ്രൌണ്‍. ചെസ്റ്റര്‍ട്ടനെ കത്തോലിക്കാ വിശ്വാസത്തിലേക്ക് നയിച്ച ബ്രാഡ്ഫോഡിലെ ഇടവക വികാരിയായിരുന്ന മോണ്‍. ജോണ്‍ ഒ’കൊണ്ണോറില്‍ നിന്നും പ്രചോദനം സ്വീകരിച്ചാണ് ചെസ്റ്റര്‍ട്ടന്‍ ഈ കഥാപാത്രത്തെ സൃഷ്ടിച്ചതെന്നാണ്പറയപ്പെടുന്നത്. അലെക് ഗിന്നസ് എന്ന നടനാണ് ഫാദര്‍ ബ്രൌണ്‍ എന്ന കഥാപാത്രത്തിന് ജീവൻ നൽകിയത്.  2. ദി ഹൂഡ്ലം പ്രീസ്റ്റ് (The Hoodlum Priest) എന്ന സിനിമയിലെ ഫാദര്‍ ചാള്‍സ് ക്ലാര്‍ക്ക്: സെന്റ്‌ ലൂയീസിലെചാള്‍സ് ദിസ്മാസ് ക്ലാര്‍ക്ക് എന്ന പുരോഹിതന്റെ ജീവിതത്തെ ആസ്പദമാക്കി 1961-ല്‍ പുറത്തിറങ്ങിയസിനിമയാണ് ‘ദി ഹൂഡ്ലം പ്രീസ്റ്റ്.’ ജയില്‍പ്പുള്ളികള്‍ക്കും, ജയില്‍ മോചിതര്‍ക്കും വേണ്ടി ജീവിതം സമര്‍പ്പിച്ചവ്യക്തിയാണ് ഫാദര്‍ ചാള്‍സ് ക്ലാര്‍ക്ക്. ദി ഹൂഡ്ലം പ്രീസ്റ്റ് എന്ന പേരിലായിരുന്നു അദ്ദേഹം അറിയപ്പെട്ടിരുന്നത്. 1961-ലെ കാന്‍ ഫിലിം ഫെസ്റ്റിവലിലും ഈ സിനിമ പ്രദര്‍ശിപ്പിക്കുകയുണ്ടായി. ഈ സിനിമയില്‍ നിന്നുള്ള ഫണ്ട്മുന്‍തടവുപുള്ളികളുടെ പുനരുദ്ധാരണത്തിനു വേണ്ടിയാണ് ഉപയോഗിച്ചത്. ഡോണ്‍ മുറേ എന്ന നടനാണ് ഈസിനിമയിൽ ഫാദര്‍ ചാള്‍സ് ക്ലാര്‍ക്ക് എന്ന കഥാപാത്രത്തെ അവതരിപ്പിച്ചത്.  3. റ്റു കില്‍ എ പ്രീസ്റ്റ് (To Kill a Priest) എന്ന സിനിമയിലെ ഫാദര്‍ അലെക്: കമ്മ്യൂണിസത്തിനെതിരെസംസാരിച്ചതുകൊണ്ടും, സോളിഡാരിറ്റി മൂവ്മെന്റിനെ പിന്തുണച്ചതുകൊണ്ടും കൊല ചെയ്യപ്പെട്ട പോളണ്ട്കാരനായ ഫാദര്‍ ജെര്‍സി പോപിയലുസ്കോ എന്ന കത്തോലിക്കാ പുരോഹിതന്റെ യഥാര്‍ത്ഥ ജീവിതകഥയാണ്1988-ല്‍ പുറത്തിറങ്ങിയ ‘റ്റു കില്‍ എ പ്രീസ്റ്റ്’ എന്ന സിനിമ. ഫാദര്‍ ജെര്‍സിയേക്കുറിച്ച് ലോകം അറിയുന്നതിന്ഈ സിനിമയും ഒരു കാരണമാണ്. ക്രിസ്റ്റഫര്‍ ലാംബെര്‍ട്ട് എന്ന നടനാണ് ഈ സിനിമയിൽ ഫാദര്‍ അലെക്എന്ന കഥാപാത്രത്തെ അവതരിപ്പിച്ചത്.  4. ദി റോസ്മേരി മര്‍ഡേഴ്സ് (The Rosemary Murders) എന്ന സിനിമയിലെ ഫാദര്‍ റോബര്‍ട്ട് കോയ്സ്ലര്‍: തന്റെസഹപ്രവര്‍ത്തകരായ പുരോഹിതരേയും, കന്യാസ്ത്രീകളേയും കൊലപ്പെടുത്തുന്ന ഒരു സീരിയകില്ലറിന്റെകുമ്പസ്സാരം കേട്ട് പ്രതിസന്ധിയിലായ ഫാദര്‍ കോയ്സ്ലര്‍ എന്ന പുരോഹിതനാണ് 1987-ല്‍ പുറത്തിറങ്ങിയ ദിറോസ്മേരി മര്‍ഡേഴ്സ് എന്ന സിനിമയിലെ പ്രധാന കഥാപാത്രം. ഡൊണാള്‍ഡ് സൂതര്‍ലാന്‍ഡ് എന്ന നടനാണ്ഈ സിനിമയിൽ ഫാദര്‍ റോബര്‍ട്ട് കോയ്സ്ലര്‍ എന്ന കഥാപാത്രത്തെ അവതരിപ്പിച്ചത്.  5. ദി സ്കാര്‍ലറ്റ് ആന്‍ഡ്‌ ദി ബ്ലാക്ക് (The Scarlet and the Black) എന്ന സിനിമയിലെ മോണ്‍ ഹഗ് ഒ’ഫ്ലാഹെര്‍ട്ടി: റോമിന് മേലുള്ള ജര്‍മ്മന്‍ അധിനിവേശ കാലത്ത് തന്റെ രഹസ്യ സംഘടന വഴി ആയിരകണക്കിന് ജൂതരേയും, അഭയാര്‍ത്ഥികളേയും രക്ഷപ്പെടുത്തിയ വത്തിക്കാനിലെ ഐറിഷ് പുരോഹിതനായിരുന്ന മോണ്‍. ഹഗ്ഒ’ഫ്ലാഹെര്‍ട്ടിയുടെ കഥ പറയുന്ന ടെലിവിഷന്‍ സിനിമയാണ് 1983-ല്‍ നിര്‍മ്മിക്കപ്പെട്ട ‘ദി സ്കാര്‍ലറ്റ് ആന്‍ഡ് ദിബ്ബ്ലാക്ക്’. ജോര്‍ജ്ജ് പെക്ക് എന്ന നടനാണ് ഈ സിനിമയിൽ മോണ്‍. ഹഗ് ഒ’ഫ്ലാഹെര്‍ട്ടി എന്ന കഥാപാത്രത്തെഅവതരിപ്പിച്ചത്.  6. ബ്രോക്കണ്‍ (Broken) എന്ന ടെലിവിഷന്‍ പരമ്പരയിലെ ഫാദര്‍ മൈക്കേല്‍ കെറിഗന്‍: ബി.ബി.സിസംപ്രേഷണം ചെയ്ത 2016-ല്‍ നിര്‍മ്മിക്കപ്പെട്ട ബ്രിട്ടീഷ് ടെലിവിഷന്‍ പരമ്പരയാണ് ‘ബ്രോക്കണ്‍’. തന്റെദുരിതപൂര്‍ണ്ണമായ ബാല്യകാലത്തിന്റെ കഷ്ടതകള്‍ക്കിടയിലും തന്റെ ഇടവകയിലെ നിത്യവൃത്തിക്കായികഷ്ടപ്പെടുന്നവരെ സഹായിക്കുവാന്‍ ശ്രമിക്കുന്ന ദയാലുവായ പുരോഹിതന്റെ കഥയാണ്‌ ഈ പരമ്പരയില്‍പറയുന്നത്. സീന്‍ ബീന്‍ എന്ന നടനാണ് ഇതിൽ ഫാദര്‍ മൈക്കേല്‍ കെറിഗന്‍ എന്ന കഥാപാത്രത്തെഅവതരിപ്പിച്ചത്.  7. ഓണ്‍ ദി വാട്ടര്‍ഫ്രൺട് (On the Waterfront) എന്ന സിനിമയിലെ ഫാദര്‍ ബാരി: എട്ട് ഓസ്‌കാർ അവാര്‍ഡുകള്‍കരസ്ഥമാക്കിയ ഓണ്‍ ദി വാട്ടര്‍ഫ്രൺട് 1954-ല്‍ പുറത്തിറങ്ങിയ ഇംഗ്ലീഷ് സിനിമയാണ്. യേശു ക്രിസ്തുഎപ്പോഴും നിങ്ങള്‍ക്കൊപ്പം ഉണ്ടാകും എന്ന് പറഞ്ഞുകൊണ്ട്, അസ്വസ്ഥരായ തുറമുഖ ജീവനക്കാരെആശ്വസിപ്പിക്കുന്ന ഫാദര്‍ ബാരി ഈ സിനിമയിലെ ഒരു പ്രധാനപ്പെട്ട കഥാപാത്രമാണ്. കാള്‍ മാള്‍ഡന്‍ എന്നനടനാണ് ഈ സിനിമയിൽ ഫാദര്‍ ബാരി എന്ന കഥാപാത്രത്തെ അവതരിപ്പിച്ചത്.  8. ദി അസീസി അണ്ടര്‍ഗ്രൗണ്ട് (The Assisi Underground) എന്ന സിനിമയിലെ ഫാദര്‍ റുഫീനോ: 1943-ല്‍അസീസിയിലെ നാസി അധിനിവേശക്കാലത്ത് സ്വന്തം ജീവന്‍ പണയപ്പെടുത്തി യഹൂദരെ രക്ഷപ്പെടുത്തുന്ന ഫാദര്‍റുഫീനോ എന്ന കത്തോലിക്കാ പുരോഹിതന്റെ കഥ പറയുന്ന സിനിമയാണ് 1985-ല്‍ പുറത്തിറങ്ങിയ ദിഅസീസി അണ്ടര്‍ഗ്രൗണ്ട്. ഇതേ പേരില്‍ തന്നെയുള്ള ഒരു നോവലിനെ അടിസ്ഥാനമാക്കിയാണ് ഈ സിനിമനിര്‍മ്മിച്ചിരിക്കുന്നത്. ബെന്‍ ക്രോസ് എന്ന നടനാണ് ഈ സിനിമയിൽ ഫാദര്‍ റുഫീനോ എന്ന കഥാപാത്രത്തെഅവതരിപ്പിച്ചത്. …

ഈസ്റ്ററിന് ദിവസങ്ങള്‍ ശേഷിക്കേ ഫ്രാന്‍സിലെ പ്രമുഖ കത്തീഡ്രല്‍ ദേവാലയത്തില്‍ ബോംബ്‌ കണ്ടെത്തി!

ഫ്രാന്‍സിന്റെ ദേശീയ സ്മാരകവും, ടൂലോസ് നഗരത്തിന്റെ ആത്മീയ കേന്ദ്രവുമായ സെന്റ്‌-എറ്റിയന്നെകത്തീഡ്രലില്‍ പാഴ്സല്‍ ബോംബ് കണ്ടെത്തി. ഇന്നലെ വെള്ളിയാഴ്ചത്തെ വിശുദ്ധ കുര്‍ബാനയ്ക്കിടെ ബോംബ്വെച്ചുവെന്ന് സംശയിക്കുന്ന നാല്‍പ്പതുകാരനായി ഫ്രഞ്ച് പോലീസ് തിരച്ചില്‍ ആരംഭിച്ചിരിക്കുകയാണ്. ദേവാലയത്തിന് സമീപം സ്ഥാപിച്ചിരിക്കുന്ന നിരീക്ഷണ കാമറകളില്‍ സംശയിക്കപ്പെടുന്ന വ്യക്തിയുടെ ചിത്രങ്ങള്‍പതിഞ്ഞിട്ടുണ്ട്. ഈ ചിത്രങ്ങളെ ആധാരമാക്കിയാണ് അന്വേഷണം പുരോഗമിക്കുന്നത്. ഇന്നലെ ഏപ്രില്‍ 8ന്രാവിലത്തെ കുര്‍ബാന അര്‍പ്പിച്ചുകൊണ്ടിരിക്കുന്നതിനിടക്ക് രാവിലെ 8 മണിക്ക് ശേഷമാണ് സംശയിക്കപ്പെടുന്നവ്യക്തി ദേവാലയത്തിനുള്ളില്‍ പ്രവേശിക്കുന്നത്. മുപ്പതോളം പേരാണ് വിശുദ്ധ കുര്‍ബാനയില്‍പങ്കെടുത്തുകൊണ്ടിരുന്നത്.  ദേവാലയത്തില്‍ പ്രവേശിച്ച വ്യക്തി അള്‍ത്താരക്ക് മുന്നിലായി സ്ഫോടക വസ്തു അടങ്ങിയ പൊതി വെച്ച ശേഷംആര്‍ക്കും മനസ്സിലാക്കുവാന്‍ കഴിയാത്തവിധം പിറുപിറുത്തിരിന്നു. തടയുവാന്‍ ശ്രമിച്ച ദേവാലയ ശുശ്രൂഷിയെതള്ളിമാറ്റിക്കൊണ്ടാണ് അയാള്‍ രക്ഷപ്പെട്ടത്. ഇരുണ്ട നിറമുള്ള ജാക്കറ്റും, ജീന്‍സും ധരിച്ചിട്ടുള്ള വ്യക്തി, മാസ്കിന് പുറമേ, തലയില്‍ തൊപ്പിയും വെച്ചിട്ടുണ്ടായിരുന്നു. അയാളെ കണ്ടപ്പോള്‍ ഒരു ഡെലിവറിബോയിയേപ്പോലെയാണ് തനിക്ക് തോന്നിയതെന്നു ദേവാലയ ശുശ്രൂഷി ഓരെലിയന്‍ ഡ്ര്യൂക്സ്‌ പറഞ്ഞു. ഉടന്‍തന്നെ സംഭവസ്ഥലത്തെത്തിയ പോലീസ് സംഘം ദേവാലയത്തില്‍ നിന്നും വിശ്വാസികളെ ഒഴിപ്പിക്കുകയും, ബോംബ്‌ നിര്‍വ്വീര്യമാക്കുകയും ചെയ്തതിനാല്‍ വന്‍ദുരന്തം ഒഴിവായി.  ഈസ്റ്ററിന് മുന്‍പായി ഇത്തരമൊരു സംഭവം നടന്നത് ഫ്രഞ്ച് ജനതയെ ആശങ്കയിലാഴ്ത്തുന്നുണ്ട്. സമാധാനത്തിന്റേതായ ഒരു സ്ഥലത്ത് ഇത്തരമൊരു സംഭവം നടന്നത് ഖേദകരമാണെന്നു സെന്റ്‌-എറ്റിയന്നെകത്തീഡ്രല്‍ വികാരി ഫ്രഞ്ച് വാര്‍ത്താപത്രമായ ‘ലാ ഡെപ്പേച്ചേ’യോട് പറഞ്ഞു. സമീപ മാസങ്ങളില്‍ ഇത്തരംആക്രമണസാധ്യതകളുമായി തങ്ങള്‍ക്ക് പൊരുത്തപ്പെടേണ്ടതായി വന്നിട്ടുണ്ടെന്നും, എപ്രകാരംസുരക്ഷിതരായിരിക്കണമെന്ന് ഇടവകക്കാരെ പരിശീലിപ്പിച്ചിട്ടുണ്ടെന്നും അദ്ദേഹം കൂട്ടിച്ചേര്‍ത്തു. 

വി. കുര്‍ബ്ബാന: ആത്മാവിലും സത്യത്തിലുമുള്ള ആരാധന!

ഏറ്റവും ശ്രേഷ്ഠമായ ആരാധന ആത്മാവിലും സത്യത്തിലുമുള്ള ആരാധനയാണ് (യോഹ 4:22-24) യോഹ17/15 ല്‍ പറയുന്നു: “അവിടുത്തെ വചനമാണ് സത്യം.” “വചനത്തില്‍ നിലനില്‍ക്കുന്നവര്‍ ശിഷ്യന്മാരാണ്, അവര്‍സത്യം അറിയുകയും സത്യം അവരെ സ്വതന്ത്രരാക്കുകയും ചെയ്യും” എന്ന്, 8:31-32 ഉം പറയുന്നു. അതായത്സത്യത്തില്‍ ആരാധിക്കുക എന്നാല്‍ വചനത്തില്‍ ആരാധിക്കുക എന്നതാണ്. ഈ വചനം എന്താണ് എന്നുംയോഹന്നാന്‍ വ്യക്തമാക്കുന്നുണ്ട്. “ആദിയില്‍ വചനം ഉണ്ടായിരുന്നു, വചനം ദൈവത്തോടുകൂടെയായിരുന്നു, വചനം ദൈവമായിരുന്നു” (1:1) ഈ വചനം മാംസമായി നമ്മുടെ ഇടയില്‍ വസിച്ചു (1:14). സത്യംവചനമാണെന്നും വചനം മാംസം ധരിച്ച ദൈവപുത്രനായ ഈശോയാണെന്നും വ്യക്തം. ആകയാല്‍ ഈശോതന്നെത്തന്നെ സത്യം എന്ന് വിശേഷിപ്പിച്ചു. “വഴിയും സത്യവും ജീവനും ഞാനാകുന്നു” (14:6). ആകയാല്‍ സത്യത്തിലുള്ള ആരാധന എന്നുപറഞ്ഞാല്‍ ഈശോയിലുള്ള ആരാധന എന്നര്‍ത്ഥം. ഇതാണ്യഥാര്‍ത്ഥ ആരാധന. പരിശുദ്ധ കുര്‍ബ്ബാന ബലിയര്‍പ്പകനും ബലിവസ്തുവുമായ ഈശോയിലുള്ളആരാധനയാണ്. പരമപിതാവിന്‍ പക്കല്‍ അവിടുന്നര്‍പ്പിച്ച നിത്യമായ ആരാധനയാണ് അവിടുത്തെ ബലി. ഈബലിയാണ് പരിശുദ്ധ കുര്‍ബ്ബാന. നാം പരിശുദ്ധ കുര്‍ബ്ബാനയര്‍പ്പിക്കുമ്പോള്‍ സത്യമായും ഈശോയില്‍ പിതാവിനെആരാധിക്കുന്ന യഥാര്‍ത്ഥ ആരാധകരായിത്തീരുന്നു. അരൂപിയിലുള്ള ആരാധനയും യഥാര്‍ത്ഥ ആരാധനയുടെ പ്രത്യേകതയാണ്. പരിശുദ്ധ കുര്‍ബ്ബാന ആത്മാവിന്‍റെപ്രവര്‍ത്തനമാണ്. സകലത്തെയും രൂപാന്തരപ്പെടുത്തുന്ന പരിശുദ്ധാത്മാവാണ് പരിശുദ്ധ കുര്‍ബ്ബാനയില്‍ മാനുഷികപ്രവര്‍ത്തനങ്ങളെ രൂപാന്തരപ്പെടുത്തി ദൈവികമാക്കുന്നത്. മാമ്മോദീസാവഴി പരിശുദ്ധാത്മാവിന്‍റെആലയങ്ങളായി മാറ്റപ്പെട്ട ദൈവജനം ഒന്നുചേര്‍ന്ന്, പരിശുദ്ധാത്മാവ് പ്രവര്‍ത്തിക്കുന്ന സഭാഗാത്രമെന്നനിലയിലാണ് പരിശുദ്ധ കുര്‍ബ്ബാനയര്‍പ്പിക്കുന്നത് (റോമാ 8:26) വി. പത്രോസ് നമ്മെ ഉദ്ബോധിപ്പിക്കുന്നത്; “ദൈവവചനം പരിശുദ്ധാത്മാവിനാല്‍ പ്രചോദിതരായി ദൈവത്തിന്‍റെ മനുഷ്യര്‍ സംസാരിച്ചവയാണ്” (2 പത്രോ1:21) എന്ന സത്യമാണ്. പരിശുദ്ധ കുര്‍ബ്ബാനയുടെ പ്രാര്‍ത്ഥനയിലെ ഓരോ വാക്കും വചനത്തില്‍നിന്നുംഎടുത്തിട്ടുള്ളവയാണ്. അത്തരത്തിലും ഇത് അരൂപിയിലുള്ള ആരാധനയാണ്.

ഈ നോമ്പ് കാലത്ത് പൂർണ്ണ ദണ്ഡവിമോചനം പ്രാപിക്കാൻ ഇനിയും സമയം ഉണ്ട് !

നോമ്പുകാലത്ത് നിങ്ങൾക്ക് പൂർണ്ണ ദണ്ഡവിമോചനം നേടാൻ നിരവധി മാർഗങ്ങളുണ്ടെന്ന് നിങ്ങൾക്കറിയാമോ?  ഇത് സത്യമാണ്!   എന്താണ് ദണ്ഡവിമോചനം?: യേശുക്രിസ്തുവിന്‍റെയും പരിശുദ്ധ അമ്മയുടെയും അവിടുത്തെ വിശുദ്ധരുടെയുംതിരുസഭയുടെയും യോഗ്യതകള്‍ മുഖേന പാപത്തിനും അതിനുള്ള ശിക്ഷയ്ക്കും മോചനം ലഭിച്ച ശേഷംദൈവമുമ്പാകെയുള്ള താല്‍ക്കാലികശിക്ഷ പൂര്‍ണ്ണമായോ അഥവാ ഭാഗികമായോ ഇളച്ചുകൊടുക്കുന്നതിനാണ്ദണ്ഡവിമോചനം എന്നു പറയുന്നത്.  ദണ്ഡവിമോചനങ്ങളെ സംബന്ധിച്ചുള്ള സഭയുടെ വിശ്വാസപ്രബോധനവും അവയുടെ വിനിയോഗവുംപ്രായശ്ചിത്തകൂദാശയുടെ ഫലങ്ങളോട് ഗാഢമായി ബന്ധപ്പെട്ടതാണ്. അപരാധവിമുക്തമായ പാപങ്ങളുടെകാലികശിക്ഷയില്‍ നിന്ന് ദൈവതിരുമുമ്പാകെയുള്ള ഇളവുചെയ്യലാണ് ദണ്ഡവിമോചനം. നിര്‍ദ്ദിഷ്ടമായ ചിലവ്യവസ്ഥകള്‍ പാലിച്ചുകൊണ്ടു തക്കമനോഭാവമുള്ള ക്രിസ്തീയവിശ്വാസി അത് നേടിയെടുക്കുന്നു.  വീണ്ടെടുപ്പിന്‍റെ ശുശ്രൂഷികള്‍ എന്ന നിലയില്‍ ക്രിസ്തുവിന്‍റെയും വിശുദ്ധരുടെയും പരിഹാരകര്‍മ്മങ്ങളുടെനിക്ഷേപത്തെ അധികാരത്തോടെ വിതരണം ചെയ്യുകയും വിനിയോഗിക്കുകയും ചെയ്യുന്ന സഭയുടെപ്രവൃത്തിയിലൂടെയാണ് വിശ്വാസി ദണ്ഡവിമോചനം പ്രാപിക്കുന്നത്. പാപം മൂലമുള്ള കാലികശിക്ഷയെഭാഗികമായോ പൂര്‍ണ്ണമായോ ഇളവുചെയ്യുന്നതിനെ ആശ്രയിച്ച് ദണ്ഡവിമോചനം ഭാഗികമോ പൂര്‍ണമോ ആകാം. ഏതു വിശ്വാസിക്കും തനിക്കുവേണ്ടിത്തന്നെയോ മരിച്ചവര്‍ക്കുവേണ്ടിയോ ദണ്ഡവിമോചനങ്ങള്‍ നേടാവുന്നതാണ്(CCC 1471).  നോമ്പുകാലത്ത് പൂർണ്ണ ദണ്ഡവിമോചനം നേടാനുള്ള ചില വഴികൾ  വി. കുരിശിന്‍റെ വഴി പ്രാര്‍ത്ഥന നടത്തുക  അരമണിക്കൂറെങ്കിലും യേശുവിന്‍റെ പീഡാനുഭവത്തെപ്പറ്റി വായിക്കുക, ധ്യാനിക്കുക  വലിയനോമ്പിലെ വെള്ളിയാഴ്ച കുരിശുരൂപത്തിന്‍റെ മുമ്പില്‍ ജപം ചൊല്ലുക  – പെസഹാവ്യാഴാഴ്ച ‘കൊല്ലന്‍ ദശ്നേ’ എന്ന ഗീതം ആലപിക്കുക. (വാഴ്വിന്‍റെ ഗാനം = സ്വര്‍ഗ്ഗത്തില്‍നിന്നാഗതമാം)  – ദുഃഖവെള്ളിയാഴ്ച ആരാധനാക്രമപ്രകാരം കുരിശിന്‍റെ ആരാധനയില്‍ പങ്കെടുത്ത് കുരിശ് ചുംബിക്കുക  – ദുഃഖശനിയാഴ്ചയിലെ തിരുക്കര്‍മ്മങ്ങളോടനുബന്ധിച്ച് ജ്ഞാനസ്നാന വാഗ്ദാനം നവീകരിക്കുക. ദിവ്യകാരുണ്യസന്നിധിയില്‍ ഒറ്റയ്ക്കോ സമൂഹമായോ അരമണിക്കൂറെങ്കിലും ആരാധന നടത്തുക. പ്രഥമദിവ്യകാരുണ്യം സ്വീകരിക്കുന്നയാള്‍ക്കും ആ കര്‍മ്മത്തില്‍ ഭക്തിപൂര്‍വ്വം പങ്കെടുക്കുന്നവര്‍ക്കും  അരമണിക്കൂറെങ്കിലും ദിവസവും വി. ഗ്രന്ഥം ഭക്തിയോടെ വായിച്ച് ധ്യാനിക്കുന്നവര്‍ക്ക് (അരമണിക്കൂറില്‍ താഴെവായിക്കുന്നവര്‍ക്ക് ഭാഗികദണ്ഡവിമോചനം ലഭിക്കും).  പള്ളിയിലോ പൊതുപ്രാര്‍ത്ഥനാലയങ്ങളിലോ കുടുംബത്തിലോ സന്യാസസമൂഹത്തിലോ ഭക്തസംഘടനയിലോഎല്ലാവരും കൊന്ത ചൊല്ലുക. 5 രഹസ്യം തുടര്‍ച്ചയായി ചൊല്ലി, ദിവ്യരഹസ്യങ്ങളെക്കുറിച്ച് ധ്യാനിക്കുകയുംവേണം. (വ്യക്തിപരമായി ചൊല്ലുന്ന കൊന്തയ്ക്ക് ഭാഗികദണ്ഡവിമോചനം ലഭിക്കുന്നതാണ്.)  ദണ്ഡവിമോചനം പ്രാപിക്കാനുള്ള വ്യവസ്ഥകള്‍:  1 തനിക്കുവേണ്ടിത്തന്നെയോ മരിച്ചവര്‍ക്കുവേണ്ടിയോ ദണ്ഡവിമോചനം നേടണമെന്ന നിയോഗം  2 മാമ്മോദീസ സ്വീകരിച്ച വ്യക്തിയായിരിക്കണം  3 പ്രസാദവരത്തിലായിരിക്കണം  4 മാര്‍പാപ്പയുടെ നിയോഗത്തിനായി പ്രാര്‍ത്ഥിക്കണം (1 സ്വര്‍ഗ്ഗസ്ഥനായ പിതാവ്, 1 നന്മ നിറഞ്ഞ മറിയം, 1 ത്രിത്വസ്തുതി)  5 പൂര്‍ണ്ണ ദണ്ഡവിമോചനത്തിന് 20 ദിവസത്തിന് മുമ്പോ അതിന് ശേഷമോ കുമ്പസാരിക്കുകയും കുര്‍ബാനസ്വീകരിക്കുകയും ചെയ്തിരിക്കണം. 

വിശുദ്ധ കുർബാനയിൽ  ഈശോയോട് മനുഷ്യർ ചെയ്തിട്ടുള്ള നിന്ദാപമാനങ്ങൾക്കു പരിഹാരമായി ഈ പ്രാർത്ഥന ചൊല്ലാം.

1. എല്ലായ്പോഴും ആരാധനയ്ക്കു യോഗ്യനും സർവാധിപനുമായ ഈശോയെ പാപികൾ അങ്ങയോടു ചെയ്യുന്നനിന്ദാപമാനങ്ങൾക്കു  പരിഹാരമായി അങ്ങേ പ്രിയ മാതാവിൻ്റെ സ്നേഹവും ആരാധനാ സ്തുതികളുംഅങ്ങേയ്ക്ക് ഞാൻ കാഴ്‌ച വെയ്ക്കുന്നു.  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ.  2. സാർവത്രിക സഭയിലും അങ്ങേ മക്കളുടെ ഹൃദയങ്ങളിലും ദൈവഭക്തി  ജ്വലിപ്പിക്കുന്ന ഈശോതമ്പുരാനെ, അങ്ങേ ഞങ്ങൾ സ്തുതിക്കുന്നു. അങ്ങ്  നൽകിയ സ്നേഹപ്രകാശം കൈകൊണ്ട് പലരുടെയും ഉദാസീനതയ്ക്കുപരിഹാരമായി ഭക്തി ജ്വാലകരായ മാലാഖമാരുടെ തീക്ഷണതയുള്ള ആരാധനകൾ അങ്ങേയ്ക്ക് ഞങ്ങൾ കാഴ്‌ചവെയ്ക്കുന്നു.  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ.  3. ഭൂവാസികളുടെ നിത്യജ്ഞാനമായിരിക്കുന്ന ഈശോയെ, അത്യന്തം വിനയത്തോടെ അങ്ങേ ആരാധിക്കുന്നു. അങ്ങയോടു ദ്രോഹം ചെയ്തതിനു കാരണമായിരിക്കുന്ന ഞങ്ങളുടെ അറിവില്ലായ്മയ്ക്കു പരിഹാരമായിജ്ഞാനധിക്യരെന്ന മാലാഖമാർ അങ്ങയെ പുകഴ്സത്തുന്ന ഉന്നത ജ്ഞാനത്തെ അങ്ങേയ്ക്ക് ഞങ്ങൾ  കാഴ്‌ചവെയ്ക്കുന്നു.  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ.  4. അളവില്ലാത്ത കൃപയും ക്ഷമയുമുള്ള ഈശോയെ, എത്രയും ഭക്തിയോടെ ഞങ്ങൾ അങ്ങയെ ആരാധിക്കുന്നു. കോപം, പക, പ്രതികാരം മുതലായ ഞങ്ങളുടെ അക്രമങ്ങൾക്കു പരിഹാരമായി ഭദ്രാസനന്മാരായ മാലാഖമാരുടെശാന്ത സ്വഭാവവും ശാലീനതയും അങ്ങേയ്ക്ക് ഞങ്ങൾ കാഴ്‌ച വെയ്ക്കുന്നു.  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ.  5. പരിശുദ്ധ സ്നേഹകൂദാശയായ വിശുദ്ധ കുർബാനയിൽ എഴുന്നള്ളിയിരിക്കുന്ന ദിവ്യരക്ഷകാ, പൂർണഹൃദയത്തോടെ അങ്ങേ ഞങ്ങൾ ആരാധിക്കുന്നു. പാപികൾ അങ്ങയുടെ ബലിപീഠത്തിൽപുലർത്തുന്ന അശുദ്ധമായ ചിന്തകൾക്കും ദുരാശകൾക്കും പരിഹാരമായി നാധാകൃത്യരായമാലാഖമാരുടെആഗ്രഹങ്ങളെയും അത്യന്ത സ്നേഹത്തേയും അങ്ങേയ്ക്ക് ഞങ്ങൾ കാഴ്‌ച വെയ്ക്കുന്നു.  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ.  6. ലോകത്തിൻ്റെ പാപങ്ങൾ നീക്കുന്ന കറയില്ലാത്ത കുഞ്ഞാടായ ഈശോയേ, അനന്ത ഭക്തിയോടെഅങ്ങയെ ഞങ്ങൾ ആരാധിക്കുന്നു. കുർബാനയുടെ സമയം പാപികൾ ചെയ്യുന്ന ബഹുമാനഹീനതകൾക്ക്പരിഹാരമായി താത്വികൻമാർ എന്ന മാലാഖമാർ അർപ്പിക്കുന്ന നമസ്കാരങ്ങളേ അങ്ങേയ്ക്ക് ഞങ്ങൾ കാഴ്‌ചവെയ്ക്കുന്നു.  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ.  7. കറയറ്റ പരിശുദ്ധതക്ക് കാരണമായിരിക്കുന്ന കർത്താവേ, അങ്ങേ ഞങ്ങൾ ആരാധിക്കുന്നു . പാപത്താൽഅശുദ്ധമായ ആത്മാവോടുകൂടെ വിശുദ്ധകുർബാന അർപ്പിക്കുന്നവരുടെ തെറ്റിന് പരിഹാരമായിബലവത്തുക്കളായ മാലാഖമാരുടെ പരിശുദ്ധതയും ആരാധനകളും അങ്ങേയ്ക്ക് ഞങ്ങൾ കാഴ്‌ച വെയ്ക്കുന്നു.  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ.  8. സകലരുടെയും ആരാധനാ സ്തുതിക്ക് യോഗ്യനായ കർത്താവേ, അങ്ങയെ ഞങ്ങൾ ആരാധിക്കുന്നു. അങ്ങേക്ക് അപമാനമായി മനുഷ്യർ പറഞ്ഞിട്ടുള്ള എല്ലാ ദൂഷണങ്ങൾക്കും പരിഹാരമായി പ്രാഥമികന്മാർ എന്നമാലാഖമാർ സമർപ്പിക്കുന്ന അനന്ത സ്‌തുതിപ്പുകളെ അങ്ങേയ്ക്ക് ഞങ്ങൾ കാഴ്‌ച വെയ്ക്കുന്നു.  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ.  9. അത്യന്തം വിശ്വാസ സ്ഥിരതയോടെ സേവിച്ചു സ്‌തുതിക്കുവാൻ യോഗ്യനായ ലോകരക്ഷിതാവേ, അങ്ങേഞങ്ങൾ വണങ്ങി സ്തുതിക്കുന്നു. പാപപങ്കിലമായ ആത്മാവോടുകൂടെ വിശുദ്ധ കുർബാന കൈക്കൊള്ളുന്നവർഅങ്ങയോടുകാണിക്കുന്ന ദ്രോഹത്തിന് പരിഹാരമായി മുഖ്യദൂതരായ മാലാഖമാരുടെഉണർവുള്ള വിശ്വാസത്തെയും സ്നേഹത്തെയും അങ്ങേയ്ക്ക് ഞങ്ങൾ കാഴ്‌ച വെയ്ക്കുന്നു .  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ.  10. സ്വർഗ്ഗത്തിലും ഭൂമിയിലും ആനന്ദമായിരിക്കുന്ന ദിവ്യ ഈശോയെ, പൂർണഹൃദയത്തോടെ അങ്ങേ ഞങ്ങൾആരാധിക്കുന്നു. വിശുദ്ധ കുർബാനയിലൂടെ മനുഷ്യരോടൊത്തു ചേരുവാൻ ആഗ്രഹിക്കുന്ന അങ്ങയെവെറുത്തുപേക്ഷിക്കുന്നവരുടെ നിന്ദനങ്ങൾക്ക് പരിഹാരമായി ദൈവദൂതന്മാരുടെ കീഴ്വഴക്കത്തെയുംഉപകാരസ്മരണസ്തോത്രങ്ങളേയും അങ്ങേയ്ക്ക് ഞങ്ങൾ കാഴ്‌ച വെയ്ക്കുന്നു.  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ.  11. കരുണാ സമുദ്രമായ ദിവ്യ ഈശോയെ, അങ്ങേ ഞങ്ങൾ ആരാധിക്കുന്നു. അങ്ങയുടെ ദയയിൽ ശരണംവെക്കാതെ ഭയപ്പെടുന്ന ചില പാപികളുടെ അന്ധമായ ശരണക്കേടിനു പരിഹാരമായി പൂർവപിതാക്കന്മാരുടെമനോധൈര്യത്തോടു കൂടിയ ശരണത്ത അങ്ങേയ്ക്ക് ഞങ്ങൾ കാഴ്‌ച വെയ്ക്കുന്നു.  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ.  12. അറുതിയില്ലാത്ത സ്നേഹത്തിനു യോഗ്യനായ ഈശോയെ, വിശുദ്ധ കുർബാനയെ അവിശ്വസിക്കുന്നമനുഷ്യരുടെ സംശയങ്ങൾക്ക് പരിഹാരമായി ദൈവദർശനങ്ങളേയും അരുളപ്പാടുകളെയും ഭക്തിപൂർവ്വംകൈക്കൊണ്ട ദീർഘദർശികളുടെ ശ്രവണത്തെ അങ്ങേയ്ക്ക് ഞങ്ങൾ കാഴ്‌ച വെയ്ക്കുന്നു.  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ.  13. ദയാപരനായ ദിവ്യരക്ഷിതാവേ, അങ്ങയെ ഞങ്ങൾ ആരാധിക്കുന്നു. അങ്ങ് അനന്തമായി സ്നേഹിച്ച്സ്വീകരിച്ച മനുഷ്യമക്കളുടെ അവിശ്വാസത്തിനും നന്ദികേടിനും പരിഹാരമായി അങ്ങേ ശ്ലീഹന്മാരുടെസ്നേഹത്തെയും വിശ്വാസത്തെയും അങ്ങേയ്ക്ക് ഞങ്ങൾ കാഴ്‌ച വെയ്ക്കുന്നു.  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ.  14. സത്യമായ സ്നേഹത്തിൻ്റെ ദിവ്യ മാതൃകയും നല്ല ഇടയനുമായ ഈശോയെ, എത്രയും വലിയസ്നേഹത്തോടെ ഞങ്ങൾ അങ്ങയെ ആരാധിക്കുന്നു. അങ്ങേ കല്പനകൾക്ക് വിരോധമായി മനസ്സിൽ ജ്വലിച്ചകോപത്തിനും ദുരഭിപ്രായങ്ങൾക്കും പരിഹാരമായി വേദശാസ്ത്രികളുടെ ക്ഷമയും പ്രാർത്ഥനകളുംഅങ്ങേയ്ക്ക് ഞങ്ങൾ കാഴ്‌ച വെയ്ക്കുന്നു.  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ.  15. സർവ നന്മസ്വരൂപനായ ദിവ്യ ഈശോയെ, സർവ്വത്തെയുംകാൾ അത്യന്തം ഭക്തിയോടെ ഞങ്ങൾ അങ്ങേആരാധിക്കുന്നു. ദുർമ്മാർഗ്ഗികളായ അക്രമികൾ അങ്ങയുടെ ദേവാലയത്തിൽ നടത്തിയ സർവകളവുകൾക്കും പരിഹാരമായി ഞങ്ങൾ അങ്ങയുടെ വിശ്വസ്തരായി നിന്നുകൊണ്ട് കാഴ്ചകളെയുംഞങ്ങളെത്തന്നെയും അങ്ങേയ്ക്ക് സ്തോത്രമായി കാഴ്‌ച വെയ്ക്കുന്നു.  പരിശുദ്ധ പരമ ദിവ്യകാരുണ്യത്തിനു എന്നേരവും ആരാധനയും സ്തുതിയും പുകഴ്ചയും ഉണ്ടായിരിക്കട്ടെ. …

അരൂക്കുറ്റി തിരുവോസ്തി അവഹേളനം: പ്രതിഷേധം ശക്തമാകുന്നു!

ആലപ്പുഴ ജില്ലയിലെ അരൂക്കുറ്റി സെന്റ് ജേക്കബ് ചാപ്പലിൽ നിന്നും അതിവിശുദ്ധമായ തിരുവോസ്തിയുംപൂജ്യവസ്തുക്കളും മാലിന്യങ്ങൾ നിറഞ്ഞ ചതുപ്പിൽ വലിച്ചെറിഞ്ഞ നിലയില്‍ കണ്ടെത്തിയ സംഭവത്തിന്റെപശ്ചാത്തലത്തില്‍ പ്രതിഷേധം ശക്തമാകുന്നു. ഇത് ചെയ്തവരെ ഉടനടി കണ്ടെത്തി മാതൃകാപരമായിശിക്ഷിക്കണമെന്നു വിവിധ ക്രിസ്തീയ സംഘടനകള്‍ ആവശ്യപ്പെട്ടു. നടപടി ഉത്കണ്ഠ ഉളവാക്കുന്നതുംഅങ്ങേയറ്റം അപലനീയവുമാണെന്ന് കെആർഎൽസിസി നിർവാഹക സമിതി യോഗം അഭിപ്രായപ്പെട്ടു.  പ്രതികളെ എത്രയും വേഗം കണ്ടെത്തണമെന്ന് ബിഷപ്പ് ഡോ. ജോസഫ് കരിയിൽ , കെആർഎൽസിബിസിസെക്രട്ടറി ജനറൽ ബിഷപ്പ് ഡോ. സെൽവിസ്റ്റർ പൊന്നുമുത്തൻ, വൈസ് പ്രസിഡന്റുമാരായ ബിഷപ്പ് ഡോ. വിൻസന്റ് സാമുവൽ തുടങ്ങിയവരുടെ നേതൃത്വത്തില്‍ കൂടിയ യോഗത്തില്‍ ആവശ്യപ്പെട്ടു. തിരുവോസ്തിമാല്ലിന്യ ചതുപ്പിൽ നിക്ഷേപിച്ച ഹീനപ്രവ്യത്തിയിൽ കെ‌സി‌വൈ‌എം അർത്തുങ്കൽ സെന്റ് ജോർജ്ജ് യൂണിറ്റ് , തങ്കി മേഖലയോടൊപ്പം ചേർന്ന് പന്തം കൊളുത്തി പ്രകടനം നടത്തിയിരിന്നു. തിരുവോസ്തി അവഹേളിച്ചകുറ്റക്കാരെ അറസ്റ്റ് ചെയ്യണമെന്നാവശ്യപ്പെട്ട് കെ‌എല്‍‌സി‌എ നേതാക്കൾ ആവശ്യപ്പെട്ടു.  ചതുപ്പുനിലത്ത് തിരുവോസ്തി വലിച്ചെറിഞ്ഞത് ക്രൈസ്തവരോടും ക്രൈസ്തവ വിശ്വാസത്തോടുമുള്ളഅവഹേളനമാണെന്ന് കെ‌എല്‍‌സി‌എ സംസ്ഥാന സമിതി വിലയിരുത്തി. സംസ്ഥാന ജനറൽ സെക്രട്ടറി അഡ്വഷെറി ജെ തോമസ് വൈസ് പ്രസിഡണ്ട് ടി എ ഡാൽഫിൻ, വിൻസ് പെരിഞ്ചേരി എന്നിവർ പങ്കെടുത്തു. കെആർഎൽസിസി ജനറൽ സെക്രട്ടറി ഫാ തോമസ് തറയിൽ, വൈസ് പ്രസിഡന്‍റ് ജോസഫ് ജൂഡ്, കെസിവൈഎം ജനറൽസെക്രട്ടറി ജിജോ, തുടങ്ങിയവർ സന്ദർശക സംഘത്തിലുണ്ടായിരുന്നു. കെസിവൈഎംകൊച്ചി രൂപതയുടെ നേതൃത്വത്തിൽ പ്രതിഷേധ പ്രകടനം നടന്നു. ഇന്ന് കെഎൽസിഎ കൊച്ചി രൂപതയുടെനേതൃത്വത്തിൽ അരൂർ ജംഗ്ഷനിൽ പ്രതിഷേധം സംഘടിപ്പിക്കും. 

വിമലഹൃദയ സമര്‍പ്പണത്തില്‍ പങ്കുചേരാന്‍ ഭാരതത്തിലെ മെത്രാന്മാരെയും വൈദികരെയും ക്ഷണിച്ച് അപ്പസ്തോലിക് ന്യൂണ്‍ഷോ

യുക്രൈനിൽ അരങ്ങേറുന്ന ദാരുണമായ സംഭവങ്ങളുടെ പശ്ചാത്തലത്തിൽ, മാർച്ച് 25ന് ഫ്രാൻസിസ് മാർപാപ്പ, റഷ്യയെയും യുക്രൈനെയും വിമലഹൃദയത്തിന് സമര്‍പ്പിക്കാനിരിക്കെ സമർപ്പണത്തിൽ പങ്കുചേരാൻഅഭ്യര്‍ത്ഥനയുമായി ഭാരതത്തിലെ അപ്പസ്തോലിക് ന്യൂണ്‍ഷോ ആര്‍ച്ച് ബിഷപ്പ് ലിയോപോൾഡോ ജിറേലി. സാധ്യമെങ്കിൽ, റോമിലെ സമയം വൈകുന്നേരം 5 മണിക്ക് തതുല്യമായ സമയത്ത്, ഓരോ ബിഷപ്പും തന്റെവൈദികരോടൊപ്പം ഈ സമർപ്പണത്തിൽ പങ്കുചേരാൻ പരിശുദ്ധ പിതാവ് ക്ഷണിക്കുകയാണെന്നും വരുംദിവസങ്ങളിൽ പരിശുദ്ധ പിതാവ് ക്ഷണക്കത്ത് നൽകുമെന്നും ന്യൂണ്‍ഷോയുടെ കത്തില്‍ പറയുന്നു. സി‌ബി‌സി‌ഐ അധ്യക്ഷന്‍ കര്‍ദ്ദിനാള്‍ ഓസ്വാള്‍ഡ് ഗ്രേഷ്യസിനാണ് കത്ത് കൈമാറിയിരിക്കുന്നത്.  പാപ്പയുടെ ക്ഷണകത്തില്‍ വിവിധ ഭാഷകളിലുള്ള സമര്‍പ്പണ പ്രാര്‍ത്ഥന ലഭ്യമാക്കും. മാര്‍പാപ്പയുടെ ക്ഷണംസംബന്ധിച്ചു ദേശീയ മെത്രാന്‍ സമിതിയിലെ അംഗങ്ങളെയും വിവിധ രൂപതകളിലെയും സന്യാസസമൂഹങ്ങളിലെയും വൈദികരെയും ഇക്കാര്യങ്ങള്‍ അറിയിക്കണമെന്നും ന്യൂണ്‍ഷോ അഭ്യര്‍ത്ഥിച്ചു. ന്യൂഡൽഹിയിലെ ഫെഡറൽ അധികാരികളെയും തലസ്ഥാനത്തെ നയതന്ത്ര വിഭാഗത്തെയും സമര്‍പ്പണത്തെകുറിച്ച് അറിയിക്കും. മാർച്ച് 25-ന് വെള്ളിയാഴ്ച വൈകീട്ട് 6നു ന്യൂഡൽഹിയിലെ സേക്രട്ട് ഹാര്‍ട്ട് കത്തീഡ്രൽദേവാലയത്തില്‍ നടക്കുന്ന കുർബാനയിൽ പങ്കെടുക്കാൻ അവര്‍ക്ക് ക്ഷണം നൽകുമെന്നും കത്തില്‍ പറയുന്നു.

ഇരുരാഷ്ട്രങ്ങളേയും ദൈവമാതാവിന്റെ വിമല ഹൃദയത്തിന് സമര്‍പ്പിക്കുവാനിരിക്കെ, നവനാൾ നൊവേന അര്‍പ്പണത്തിനുള്ള ആഹ്വാനവുമായി യുക്രൈന്‍ ആര്‍ച്ച് ബിഷപ്പ്.

റഷ്യന്‍ അധിനിവേശം കാരണം സ്ഥിതിഗതികള്‍ രൂക്ഷമായ യുക്രൈനിലെ കത്തോലിക്ക മെത്രാന്മാരുടെഅഭ്യര്‍ത്ഥന മാനിച്ചുകൊണ്ട് പരസ്പരം പോരാടിക്കൊണ്ടിരിക്കുന്ന ഇരുരാഷ്ട്രങ്ങളേയും ഫ്രാന്‍സിസ് പാപ്പ മാര്‍ച്ച്25ന് ദൈവമാതാവിന്റെ വിമല ഹൃദയത്തിന് സമര്‍പ്പിക്കുവാനിരിക്കെ, സമര്‍പ്പണ കര്‍മ്മത്തിനു മുന്നോടിയായി 9 ദിവസത്തെ നൊവേന അര്‍പ്പണത്തിനുള്ള ആഹ്വാനവുമായി യുക്രൈന്‍ ആര്‍ച്ച് ബിഷപ്പ്. തങ്ങളുടെ അഭ്യര്‍ത്ഥനപാപ്പ മാനിച്ചതില്‍ നന്ദിയും സന്തോഷവും ഉണ്ടെന്നും സമര്‍പ്പണത്തിന് മുന്നോടിയായി മാര്‍ച്ച് 17ന് ആരംഭിക്കുന്നനവനാള്‍ നൊവേനയില്‍ പങ്കെടുക്കുവാന്‍ എല്ലാവരെയും ക്ഷണിക്കുകയാണെന്നും ലിവിവിലെ ലത്തീന്‍കത്തോലിക്ക മെത്രാപ്പോലീത്തയായ മൈക്ക്സിസ്ലോ പറഞ്ഞു.  യുക്രൈനിലെ ക്രൈസ്തവരെ കൂടാതെ ലോകമെമ്പാടുമുള്ള വിശ്വാസികളോടും നവനാള്‍ പ്രാര്‍ത്ഥനയില്‍ഭാഗഭാക്കാകുവാന്‍ മെത്രാപ്പോലീത്ത അഭ്യര്‍ത്ഥിച്ചിട്ടുണ്ട്. 1987-ല്‍ വിശുദ്ധ ജോണ്‍ പോള്‍ രണ്ടാമന്‍ റഷ്യയെമാതാവിന് സമര്‍പ്പിച്ചുവെങ്കിലും അന്നത്തെ സമര്‍പ്പണം ശരിയായ രീതിയിലായിരുന്നെങ്കിലും, യുദ്ധത്തിന്റേതായഈ സാഹചര്യത്തില്‍ ഒന്നുകൂടി സമര്‍പ്പിച്ചാല്‍ നന്നായിരിക്കുമെന്ന് മെത്രാപ്പോലീത്ത പറഞ്ഞു. ഈ അഭ്യര്‍ത്ഥനതങ്ങളുടെ ആഗ്രഹവും, യുക്രൈന്‍ ജനതയുടെ ശബ്ദവുമാണെന്നു ആര്‍ച്ച് ബിഷപ്പ് മൈക്ക്സിസ്ലോ പറയുന്നു.  പേപ്പല്‍ ചാരിറ്റിയുടെ തലവനായ കര്‍ദ്ദിനാള്‍ കോണ്‍റാഡ് ക്രജേവ്സ്കിയുടെ സന്ദര്‍ശനത്തിനും മെത്രാപ്പോലീത്തനന്ദി അറിയിച്ചു. കഴിഞ്ഞയാഴ്ച പാപ്പ യുക്രൈനിലേക്കയച്ച രണ്ടംഗ സംഘത്തിലെ ഒരാളായിരുന്നു കര്‍ദ്ദിനാള്‍ക്രജേവ്സ്കി. മാര്‍ച്ച് 25-ന് റോമിലും, ഫാത്തിമായിലുംവെച്ച് ഒരേസമയം യുക്രൈന്റേയും റഷ്യയുടേയുംസമര്‍പ്പണ കര്‍മ്മം നടത്താനാണ് തീരുമാനം. 

കീവിന്റെ ആത്മീയ കേന്ദ്രവുമായി നിലകൊള്ളുന്ന സെന്റ്‌ സോഫിയ കത്തീഡ്രല്‍ റഷ്യ വ്യോമാക്രമണത്തിന് ഇരയാക്കുവാന്‍ സാധ്യതയുണ്ടെന്ന ആശങ്കയുമായി യുക്രൈനിലെ മതനേതാക്കള്‍!

യുക്രൈന്റെപ്രധാനപൈതൃകകേന്ദ്രമായസെന്റ്‌സോഫിയകത്തീഡ്രൽവോമാക്രമണത്തിന്ഇരയാകുവാന്‍സാധ്യതയുണ്ടെന്നവിവരംലഭിച്ചിട്ടുണ്ടെന്നകാര്യം‘യുക്രൈന്‍കൗണ്‍സില്‍ഫോര്‍ചര്‍ച്ചസ്ആന്‍ഡ്‌റിലീജിയസ്ഓര്‍ഗനൈസേഷന്‍സ്’ (യു.സി.സി.ആര്‍.ഒ) ആണ്പുറത്തുവിട്ടത്.  സെന്റ്‌ സോഫിയ കത്തീഡ്രല്‍ ആക്രമിക്കുവാന്‍ ക്രെംലിന്‍ പദ്ധതിയിടുന്നുണ്ടെന്ന തരത്തില്‍ റിപ്പോര്‍ട്ടുകള്‍ഉണ്ടെന്ന് അമേരിക്കന്‍ സ്റ്റേറ്റ് സെക്രട്ടറി ആന്റണി ബ്ലിങ്കന്റെ സംഘത്തില്‍പ്പെട്ടവരും മുന്നറിയിപ്പ് നല്‍കുന്നുണ്ട്. റഷ്യയുടെ അന്യായവും, പ്രകോപനപരവുമായ ആക്രമണ പദ്ധതിയില്‍ യുക്രൈനിലെ സാംസ്കാരിക ആത്മീയകേന്ദ്രങ്ങളും ഉള്‍പ്പെടുന്നുണ്ടെന്നും, കീവിലെ ബാബിന്‍യാര്‍, ഖാര്‍കീവ് തുടങ്ങിയ രൂപതകളില്‍ നാശനഷ്ടങ്ങള്‍വരുത്തിയ റഷ്യന്‍ നടപടിയെ തങ്ങള്‍ അപലപിക്കുന്നുവെന്നും മതസ്വാതന്ത്ര്യത്തിനു വേണ്ടിയുള്ള അമേരിക്കന്‍സ്റ്റേറ്റ് ഡിപ്പാര്‍ട്ട്മെന്റ് അംബാസഡറായ റാഷദ് ഹുസൈന്‍ സമൂഹമാധ്യമത്തില്‍ പങ്കുവെച്ചിട്ടുണ്ട്. 2018-ല്‍പിരിഞ്ഞ രണ്ട് യുക്രൈന്‍ ഓര്‍ത്തഡോക്സ് സഭാ വിഭാഗങ്ങള്‍ ഉള്‍പ്പെടെയുള്ള വിവിധ ക്രിസ്ത്യന്‍ സഭകള്‍ക്ക്പുറമേ, യഹൂദ, മുസ്ലീം മതങ്ങളില്‍ നിന്നുമുള്ള വൈദികരും യു.സി.സി.ആര്‍.ഒയില്‍ ഉള്‍പ്പെടുന്നുണ്ട്.  യുക്രൈന്‍ ഓര്‍ത്തഡോക്സ് സഭയെയാണ് യുക്രൈന്റെ ദേശീയ സഭയായി കണക്കാക്കി വരുന്നത്. റഷ്യന്‍ഓര്‍ത്തഡോക്സ് സഭയുടെ നേരിട്ടല്ലാത്ത മേല്‍നോട്ടവും യുക്രൈന്‍ സഭക്ക് മേലുണ്ട്. കീവിലെ ടിവി ടവര്‍തകര്‍ക്കുവാനുള്ള ശ്രമത്തില്‍ ബാബിന്‍ യാറിലെ ഹോളോകോസ്റ്റ് മെമ്മോറിയല്‍ സെന്ററിനും കേടുപാടുകള്‍സംഭവിച്ച കാര്യം ചൂണ്ടിക്കാട്ടിക്കൊണ്ട് ആയുധ സിസ്റ്റത്തിലെ സാങ്കേതിക പിഴവുകള്‍ കാരണവും കത്തീഡ്രലില്‍മിസൈല്‍ പതിക്കുവാനുള്ള സാധ്യതയും യു.സി.സി.ആര്‍.ഒ ഉന്നയിക്കുന്നുണ്ട്. യുക്രൈനെതിരായ റഷ്യന്‍ആക്രമണത്തെ അപലപിക്കുകയും, റഷ്യന്‍ അധിനിവേശം ഉടന്‍ അവസാനിപ്പിക്കണമെന്ന് ഒരിക്കല്‍ കൂടിആവശ്യപ്പെട്ടുകൊണ്ടാണ് യു.സി.സി.ആര്‍.ഒ യുടെ മുന്നറിയിപ്പ് അവസാനിക്കുന്നത്. രണ്ടാം ലോക മഹായുദ്ധകാലത്ത് റഷ്യന്‍ സൈന്യം കീവിലെ പെച്ചെഴ്സ് ലാവ്രായിലെ ഡോര്‍മീഷന്‍ കത്തീഡ്രല്‍ തകര്‍ത്തിരുന്നു.